法國飯店

营业中

休息中

之前喺屯门群组𠮶度见到好多人介绍黄金海岸有间几好嘅法国餐厅，今日去开呢边玩，所以就试吓到底系咪真系咁好食！呢个蕃茄龙虾汁海鲜意大利饭又几好食，份量都唔会太少啱啱好，海鲜都好新鲜，米饭吸收哂啲龙虾汁，超级浓郁嘅味道🥰好好食！而黑松露野菌汤真系真材实料，除左每啖饮落都有好丰富口感嘅蘑菇，而佢嘅黑松露味都好香浓，啱晒钟意黑松露嘅朋友！绝对推介大家试吓🤤跟住就系风干火腿蕃茄酱焗烧春鸡配红酒汁，大大只烧春鸡，大大啖食落去都觉得好鬼死正！仲要啲肉又十分之滑！加埋蕃茄酱酸酸甜甜咁，就连平时唔钟意食鸡嘅朋友都话几好食。