太興 (新文華中心)

营业中

休息中

又系同朋友讲住要做嘢，所以快快脆脆谂住买个烧味饭食搞掂就得，其中一样嘢就系贪佢个位置方便，响红磡地铁站过咗行人天桥行落嚟就已经见到，所以位置方面系几好嘅。不过好嘅已经讲完啦，其实我个朋友已经坚持咗几次响泰兴买外卖，每次都系想要肥叉烧饭多汁，佢哋每次落单都系有呢个选项，写明系肥叉，都写明多汁，系统都做得好清楚。不过个重点系从来冇一次我哋系食到有肥叉烧嘅，不特止，仲要每一次都系瘦叉烧，仲要系好干𠮶只！作为一间主打宣传烧味嘅餐厅，实在点都讲唔去，我会宁愿你话俾我听冇，或者冇得选择，但系点解要写明系肥叉但系又要不断比瘦叉烧呢？仲要一啲都唔多汁，亦都系每次都冇多个汁！唔系失望，系超级反感！所以我都好无奈地一定要比差评，同埋已经同我朋友讲过以后都唔好再去，反正大把地方有得食唔错嘅叉烧饭，同埋都真系会尊重大家嘅选择尽量俾返客人需要嘅烧味俾人，所以以后都唔会再去泰兴，如果有人讲开就会分享呢件事，希望佢哋会有所改善，都衷心祝福佢哋好运。