和平飯店 (V Walk) (已結業)

寻晚第一次去咗V walk 𠮶间和平饭店食晚饭！6:00已经有好多人排队准备入去食晚饭，心谂咁多人食应该都唔会差得去边，我哋四个人去叫咗一个四人餐，望落去都好抵食，之后每一碟𩠌嚟到嘅时候，😰卖相极之差，脆猪手，一啲都唔脆，食落口仲好油腻嘅感觉！干煎大肠，食咗一旧已经想反转只碟，又冇味又油，竹笙海皇羹，好似饮味精咁，最差最差就系黄金大虾，个虾头直情臭腥味！虾头已经发黑，应该系雪藏之前只虾应该死咗好耐！从来未食过一间饭店可以咁难食！唔明白点解仲有咁多人排队去食，Send出嚟嘅相每一碟系我未食之前影嘅，完全系求其出品🙈