影片
更多
2014-03-24
1386 浏览
好耐冇写食评, 因为近年食既都冇话特别好/差要写, 所以荒废左呢度~ 但今次真系忍唔住要上黎写! 唔知系因为周末夜晚冇咩人(唔啱时间黎?), 定系本身质素就唔好, 食物差既程度真系令人好失望!同友人系湾仔揾野食, 已经系8.30pm, 同埋可能系星期日既关系, 附近好多食店都已关门, 途经春园街见龙凤有开门, 加上友人话好耐之前食过, 都几好食, 我自己都未试过, 但听到友人咁讲同埋好肚饿, 所以就入黎一试。一入门口见到有两三枱客, 门面就有两个员工(一个年轻姐姐同一个婶婶), 我地坐低一阵就叫左一个推介既咖哩吉列猪"手八" 饭($6x), 友人就叫左个有厚多士、招牌炒蛋同鸡翼火腿汤面既特餐, 仲加左$10 转辛辣面 ($6X), 另外加左一碟推介既卥水鸡翼 ($4X)。鸡翼(一碟6只)先到, 一食就觉得有古怪, 点解咁老, d肉咁"鞋"同缩晒水既?? 好似屋企食翻煮几次个种口感。友人话可能因为系卥水, 所以keep 住浸系卥水就老, 我唔知咩原因啦, 只系觉得好"鞋"同唔好食。之后个侍应婶婶放低个特餐既多士同蛋, 多士上既牛油未溶, 但蛋好似好靓好滑, 仲系半液体咁, 我即刻夹左一啖
同友人系湾仔揾野食, 已经系8.30pm, 同埋可能系星期日既关系, 附近好多食店都已关门, 途经春园街见龙凤有开门, 加上友人话好耐之前食过, 都几好食, 我自己都未试过, 但听到友人咁讲同埋好肚饿, 所以就入黎一试。
一入门口见到有两三枱客, 门面就有两个员工(一个年轻姐姐同一个婶婶), 我地坐低一阵就叫左一个推介既咖哩吉列猪"手八" 饭($6x), 友人就叫左个有厚多士、招牌炒蛋同鸡翼火腿汤面既特餐, 仲加左$10 转辛辣面 ($6X), 另外加左一碟推介既卥水鸡翼 ($4X)。
鸡翼(一碟6只)先到, 一食就觉得有古怪, 点解咁老, d肉咁"鞋"同缩晒水既?? 好似屋企食翻煮几次个种口感。友人话可能因为系卥水, 所以keep 住浸系卥水就老, 我唔知咩原因啦, 只系觉得好"鞋"同唔好食。
之后个侍应婶婶放低个特餐既多士同蛋, 多士上既牛油未溶, 但蛋好似好靓好滑, 仲系半液体咁, 我即刻夹左一啖, 冻既?? 唔系呀?? 完全冻既炒蛋我真系未食过㖞.....我忍唔住出声「d蛋咁冻既??」, 侍应婶婶企左系度唔知点反应, 友人都立即食一口蛋同多士, 多士微暖, 但蛋坚系冻架㖞, 我地同时望向侍应婶婶, 佢就望住侍应姐姐问点算, 侍应姐姐二话不说行过黎拎走碟多士同蛋, 话「整返热俾你」就走左。我同友人对望, 究竟佢会点整返热呢? 友人个位系望住厨房既, 佢见到侍应姐姐系将成碟多士同蛋放入微 波 炉 叮!!!
唔够一分钟, 侍应姐姐就拎返俾我地, 我地一望大家都O 左嘴︰蛋已全熟, 多士已淋, 友人想出声但我阻止左佢, 讲真, 侍应姐姐做得出"叮"返热d 蛋呢个举动, 我谂再多讲亦冇用, 友人最后讲左一句: 如果要叮, 都拎起块多士先啦, 搞到而家两样都好难食。
之后特餐个面黎到, 面仲有两块火腿同两只鸡翼, 好明显呢个面既鸡翼同之前个碟比系大只d 同肥美d, 我即刻试食一只, 个味一样但肉质好食好多, 咁先系鸡翼嘛~!!! 加左钱转辛辣面, 辣粉系自己落既, 我落左半包就食, 食左一啖面, 唔系呀? 呢个系辛辣面?? 系加左$10转既辛辣面?? 辛辣面都可以煮到咁淋??? 有冇搞错!!! 个面好明显系over-cooked, 淋既程度系食开出前一丁同辛辣面既人不能接受既!!!
最后个咖哩吉列猪"手八" 饭到, 终于有样叫做正常既食物出现, 吉列猪"手八"炸到有少少干, 不过咖哩汁不错, 少辣但惹味, 我同友人简直系抢住黎食, 因为冇人想食个特餐啰... 最后餐饮系两杯热饮, 普通既热奶茶。
埋单, 咁就$17x 差唔多$180, 完全系好无奈食得好唔开心。出黎食野, 贵唔紧要, 最紧要系食物好味先值。食完呢餐, 我同友人既疑问都系: 点解个蛋可以完全系冻既, 同埋点解可以就咁叮?? 其实炒过一碟蛋又要几多钱呢?? 点解个面overcooked 都可以拎出黎?? 又或者系因为我地唔啱时间黎, 所以俾d 放左好耐既食物我地?? 点都好, 以咁既质素同价钱, 湾仔区大把更好既野食, 我当然系唔需要再黎龙凤啦。
张贴