梅貴緣 (已結業)

头先同个friend谂住去深水埗食强记，点知full晒要等唔知几耐，照等啦。等等下见到对面有间好似系餐厅既野窗上面贴住d咩58、78。八卦过去望下，有位阿哥就系咁一轮嘴讲：素食自助餐78蚊任食，xxxxxxx(中间果d听唔清楚) 咩都有....咩话78蚊？有冇咁著数？讲真我唔系几钟意食斋，不过见佢咁平，入去行个圈睇下佢有咩食啦，反正强记唔知要等几耐。顶，入到去睇咪又系冇位，间野都算细间，眼见应该冇30个位，俾人行既地方唔多够阔，其实同入面d夹紧野食既客迫住行。真系咩都有，炒饭、炒面、菜s、豆腐，瓜s、煎糕s、炸野s、菇s、糖水、汤、甜品s、生果等等，仲要有柠水同中国茶饮。我同个friend见咁笋即刻话试下，好彩咁岩有两个客食完，唔驶等。食物味道唔差㖞，似系一般酒楼食果d𩠌菜，佢地有埋番茄蛋，蛋都算斋？炒饭都有蛋，事但啦，我又唔系信佛。当中有只叫唔知咩炸南瓜饼真系几好食，外脆内软，又唔算太甜，我啪左3旧。倾下食下坐左成个钟有多，饱到一个点。埋单走人，原来加一都唔驶，真真正正$78任食。我本身都唔多食斋，不过食完今次应该会再叫d friend同屋企人黎再食。