影片
更多
2017-10-28
237 浏览
前排成日听身边的朋友话有足料火窝任食，劲多海鲜又有鸡煲，包你食到饱，今日终于有机会黎到【伦哥火锅私房菜】见真章！尖沙咀分店地方非常之大，座位都好多，大部分都系4人台，更有6-8人台，岩哂同大班老友或者公司同事聚餐的落脚地～一坐低已经有店员为你提供两款前菜，分别系XO 酱四季豆同埋陈醋云耳，两款都系酸酸地又带少少辣，绝对开胃！等你食欲大增，接落黎可以火力全开食多D！有大概5款的配料(青葱、辣椒、生蒜、炸蒜、等等)俾你自由混酱～跟住无耐就上一人一只既蒜蓉粉丝蒸象拔蚌仔，都几够惹味，不过蚌仔就细左少少。再上埋个刺身拼盘，跟返一人份既量同时再一人一碗老火炖汤暖暖个肚先再上鸡煲。我选左Bb辣，都几麻辣同有少许呛，不过好味！。鸡件比较小，唔会话太大件食到你好滞，汁量唔多但味浓，食完系可以refill再黎多煲架！但要注意不时搅拌下，唔系会痴底；食到咁上下再落埋猪皮、鱿鱼，以及牛栢叶，吸哂个汁真系好好味～终于黎到戏肉转火窝，我选左龙虾汤底(要另+$30架)海鲜拼盘同牛颈脊都系跟人数而安排份量，不过以女仔食量黎讲，基本上都食唔哂，因为很充足！鲍鱼几弹牙又唔韧，牛肉唔鞋无雪味，薄得黎有口感！唔错！招牌的伦
尖沙咀分店地方非常之大，座位都好多，大部分都系4人台，更有6-8人台，岩哂同大班老友或者公司同事聚餐的落脚地～
一坐低已经有店员为你提供两款前菜，分别系XO 酱四季豆同埋陈醋云耳，两款都系酸酸地又带少少辣，绝对开胃！等你食欲大增，接落黎可以火力全开食多D！
有大概5款的配料(青葱、辣椒、生蒜、炸蒜、等等)俾你自由混酱～
跟住无耐就上一人一只既蒜蓉粉丝蒸象拔蚌仔，都几够惹味，不过蚌仔就细左少少。
再上埋个刺身拼盘，跟返一人份既量
同时再一人一碗老火炖汤暖暖个肚先再上鸡煲。
我选左Bb辣，都几麻辣同有少许呛，不过好味！。鸡件比较小，唔会话太大件食到你好滞，汁量唔多但味浓，食完系可以refill再黎多煲架！但要注意不时搅拌下，唔系会痴底；食到咁上下再落埋猪皮、鱿鱼，以及牛栢叶，吸哂个汁真系好好味～
终于黎到戏肉转火窝，我选左龙虾汤底(要另+$30架)
海鲜拼盘同牛颈脊都系跟人数而安排份量，不过以女仔食量黎讲，基本上都食唔哂，因为很充足！鲍鱼几弹牙又唔韧，牛肉唔鞋无雪味，薄得黎有口感！唔错！
招牌的伦嫂手打双滑（白色系虾滑，黑色系墨鱼滑），都相当有惊喜，特别系墨鱼滑超有咬口，好弹口～另外有一堆什丸，比较突出既系沙拉丸，入面的千岛酱甜甜地，仲有芝心牛丸都好深刻，因为平时多数都只系食到芝心丸，好少有牛丸做流心芝士！
另外仲有提供基本的田园有机蔬菜篮、响铃卷同埋韭菜饺以及云吞，不得不提佢个低盐少油鱼皮，系即场新鲜炸架！唔系买现成冻冰冰又硬邦邦，完全香口又脆！十分推介！！
食到最后，甜品系【真的假不了】即系燕窝炖鲜奶，都几滑，不会过甜，清清地做个埋尾，好圆满！
呢间分店的员工服务态度几唔错，食左两小时，中间会主动加汤，收碟，都会帮忙炒下鸡煲！俾个GOOD佢地！下次会再约大班既朋友再黎食过！
张贴
