歇腳亭 (葵涌廣場)

营业中

休息中

话说，系早2-3年左右，竭脚亭系香港有好多分店，同贡茶不相伯仲，仲有大大张相系老板同马英九影嘅，之前同老公好中意饮呢度嘅手感香芋牛奶，话明手感系因为佢系有粒粒芋头，再用冰粒打碎好似沙冰咁。再加上牛奶系又香又滑。但唔知系咪因为台式茶店愈黎愈多，如果冇不停谂出新花款其实好快会比淘汰，我好记得个时荃湾有一间，我成日同老公会去买黎饮，因为真系未见有第二间台式饮品店有，但唔知点解会最新执左。星期六时同老公二人行下葵涌广场时见到呢度有，立即叫老公去买一杯比我饮。可能因为系有粒粒芋头同埋加入牛奶，佢嘅价钱比起其他饮品系贵少少，但我个人认为都值得嘅。今次隔左咁耐再饮，芋头依旧一粒粒，但好似少过之前？！冰粒未搅到太碎，比较大粒，最后同老公二人咬到口都软，不过味道都仲有好香嘅芋头味。不过都明白系葵涌广场又多人，店员都应该做到冇停手，明白嘅。