影片
更多
2008-08-08
91 浏览
话说昨日八号风球，无端端多左日假，左等右等下5:15先落波，唔洗返工当然要庆祝一下﹗决定相约友人去打个边炉﹗从来都不会待薄自己，见呢排咁鬼辛苦决定食大佢﹗去左大角咀既力奇火锅!可能八号风球岩岩落波关系，我地七点去到都无咩人﹗上网睇食评都知呢度无服务架喇﹗等左好耐先有个阿姐罗0的豉油俾我地，而0的蒜呀辣椒呀全部都系自己走出去门口罗的﹗真系无人理﹗今次点左蕃茄薯仔汤底，好多料呢﹗有我好钟意食既粟米﹗滚左一阵倒一碗来饮﹗超清甜﹗倒牌虾，$70，系大虎虾来架﹗成只手板咁长﹗仲要好生猛系咁跳﹗你地睇下几大只﹗打边炉用料唔洗有咩讲究，最紧要就系新鲜，呢只虾真系超爽超好味呢﹗唔洗蘸任何酱油已经好好味﹗墨鱼滑，$75，又系要激赞﹗食落口弹牙得要命，最紧要系佢真系墨鱼打，入口满布墨鱼粒，我同工友即时想起台北太和殿的好味花枝丸呢﹗四宝丸，$70，鲮鱼丸超级香﹗食到我地四个只眼发哂光﹗跟住到呢间野必食推介............鲍鱼哗大佬鲍鱼，$56一只﹗我咁大个仔都系第一次食咁大只鲍鱼吧﹗埋到台只野仲系咁动，好鬼生猛，当然个外观就系核突左少少.......大家心照﹗阿姐话斋灼佢十分钟就好食喇﹗起左个壳之后
从来都不会待薄自己，见呢排咁鬼辛苦决定食大佢﹗
去左大角咀既力奇火锅!
可能八号风球岩岩落波关系，我地七点去到都无咩人﹗
上网睇食评都知呢度无服务架喇﹗等左好耐先有个阿姐罗0的豉油俾我地，而0的蒜呀辣椒呀全部都系自己走出去门口罗的﹗真系无人理﹗
今次点左蕃茄薯仔汤底，好多料呢﹗有我好钟意食既粟米﹗
滚左一阵倒一碗来饮﹗超清甜﹗
倒牌虾，$70，系大虎虾来架﹗成只手板咁长﹗仲要好生猛系咁跳﹗
你地睇下几大只﹗
打边炉用料唔洗有咩讲究，最紧要就系新鲜，呢只虾真系超爽超好味呢﹗唔洗蘸任何酱油已经好好味﹗
墨鱼滑，$75，又系要激赞﹗
食落口弹牙得要命，最紧要系佢真系墨鱼打，入口满布墨鱼粒，我同工友即时想起台北太和殿的好味花枝丸呢﹗
四宝丸，$70，鲮鱼丸超级香﹗食到我地四个只眼发哂光﹗
跟住到呢间野必食推介............鲍鱼
哗大佬鲍鱼，$56一只﹗
我咁大个仔都系第一次食咁大只鲍鱼吧﹗
埋到台只野仲系咁动，好鬼生猛，当然个外观就系核突左少少.......大家心照﹗
阿姐话斋灼佢十分钟就好食喇﹗起左个壳之后同食家一人半只﹗
几鬼厚，好坚呀﹗食鲍鱼好名贵呢﹗
入口超级有口感，好霸道好好o赵，鲍鱼味浓，原来鲍鱼真系几好食架﹗四个人都大赞好味道﹗
最后仲一人叫多只蛏子王，好似$36只﹗
几大只﹗仲大只过只碟呀﹗
系咁易拖一拖水就放入口，WOO...................好好味呀﹗
新鲜得好紧要，入口是甜的﹗海鲜的甜味令人很难忘呀﹗
打边炉又点会无肥牛呢？
呢度既手切肥牛，$108
好香㖞﹗轻轻一灼放入口，无渣又滑溜，正﹗
最后食埋汤底既超甜粟米同埋0的吸哂食料味既薯仔，饱哂﹗
同工友一致觉得，呢间野0的海鲜同埋所有食物都一流，服务系慢左0的﹗不过0的阿姐都有笑容的﹗多野做系咁架啦﹗
为食的我俩称呢间为全香港最好食的火锅店﹗
埋单一人二百蚊，好饱呢﹗都OK呀﹗
食饱饱回家训觉又要开工喇﹗
更多相更多相
http://hk.myblog.yahoo.com/smallsmalllin/article?mid=7251
张贴
