影片
更多
2017-10-02
408 浏览
新嘅餐厅，古典嘅装修，精美嘅美食。通通在这里都可以找到。除咗火锅之外呢度仲会有唔同类型嘅川菜可以食到，见好多人点川菜放置得非常之靓，未食都已经感觉到，但系今日我哋就集中打边炉，实行一路烚，一路倾。一边就叫咗麻辣汤底，另外一边就叫咗龙虾汤汤底。特别想讲下呢度嘅麻辣汤底，味道真系好惹味，就算普普通通烚一旧肥牛落去，不足10秒肥牛都已经吸收到麻辣嘅味道。既然讲开肥牛就继续讲埋落去，呢度嘅牛用咗手切特选新鲜牛颈脊。厚薄适中，颜色鲜红吸引，油脂分泌刚好，咬落去有咬口，有浓浓嘅牛味。系上好的货色。想讲一讲呢一个猪天梯，平时真系买少见少。同埋如果唔系同D朋友一齐食嘅话我根本唔敢嗌呢一个，因为望落去好似好恐怖咁样，但系估唔到食落去好爽身，佢本身嘅味道唔重，所以要放落去麻辣汤底𠮶度食。海鲜雪山拼盘，可能你会话我孤寒，但系平时两个人呢就真系唔舍得叫呢一个，而且都食唔晒。入边嘅圣子王十分之大只，厚肉爽口，放清汤都好食。桂花蚌都系新鲜之选，记住唔可以烚咁耐，放返落去大概10秒到见到佢收缩就好食啦。仲有桶蚝，虽然好似好普通，但系每一次火锅都系必叫嘅嘢嚟嘅，呢到叫价钱十分之平，只需＄158就已经有一桶，分分钟平过
一边就叫咗麻辣汤底，另外一边就叫咗龙虾汤汤底。特别想讲下呢度嘅麻辣汤底，味道真系好惹味，就算普普通通烚一旧肥牛落去，不足10秒肥牛都已经吸收到麻辣嘅味道。
既然讲开肥牛就继续讲埋落去，呢度嘅牛用咗手切特选新鲜牛颈脊。厚薄适中，颜色鲜红吸引，油脂分泌刚好，咬落去有咬口，有浓浓嘅牛味。系上好的货色。
想讲一讲呢一个猪天梯，平时真系买少见少。同埋如果唔系同D朋友一齐食嘅话我根本唔敢嗌呢一个，因为望落去好似好恐怖咁样，但系估唔到食落去好爽身，佢本身嘅味道唔重，所以要放落去麻辣汤底𠮶度食。
海鲜雪山拼盘，可能你会话我孤寒，但系平时两个人呢就真系唔舍得叫呢一个，而且都食唔晒。入边嘅圣子王十分之大只，厚肉爽口，放清汤都好食。
桂花蚌都系新鲜之选，记住唔可以烚咁耐，放返落去大概10秒到见到佢收缩就好食啦。
仲有桶蚝，虽然好似好普通，但系每一次火锅都系必叫嘅嘢嚟嘅，呢到叫价钱十分之平，只需＄158就已经有一桶，分分钟平过自己系街买。
一班人打边炉最好嘅地方就系可以叫好多唔同类型嘅嘢食，唔使净系食一两样嘢咁斋，再煮朋友仲可以介绍好多特别嘅嘢俾你食，扩阔自己嘅味蕾。
张贴
