小蝶 (已結業)

今日又如常同同事HAPPY FRIDAY LUNCH, 去左小蝶, 佢D野食真系碟碟点心SIZE架, 我地一行四个女仔, 所以份量岩岩好, 可以试多几款. 小妹本身都几好糯米鸡, 呢款煎的食法唔系成日都有, 而呢度整得个面好干身, 唔油, 里边D料就好JUICY, I LIKE IT!呢个𩠌我觉得似蛋白苦瓜梳乎厘, 好得意, 唔系度度都有, 又见到有其他食评介绍所以想试下, 但食落无乜味, 真系好"清", 似乎只有卖相得. 个素菜饺D馅料爽脆多汁, 个皮都几薄, 唔黏, 口感不错! 有水准!本人好钟意食咕啰肉同菠萝饱, 呢个点心结合了我的至爱, 佢将个菠萝饱返转再自己放D馅上去, 都几好玩,  不过都系一D噱头野, 味道OK, 食起上黎有少少论尽.自己动手做咖喱牛腩批, 呢个几得, 个酥皮批热辣辣, 同D咖喱牛腩汁个味好夹! D牛腩都好淰, 值得推介!店内环境以蝴蝶为题, 坐位宽敞, 服务细心, 系一个可以再来的地方, 唯独是系呢度都唔平架