影片
更多
2010-11-06
18 浏览
估唔到我第一次写食评，竟然会系写一间餐厅嘅食物质素有几差！今晚我同男朋友喺铜锣湾食晚饭，由于我非常肚饿而其他就近嘅食肆都好多人，我地决定去呢间冇乜人等位嘅江川。喺等紧位嘅时候见到佢门口个menu，啲食物睇起上黎好吸引，令我地都非常雀跃，谂定想order边几样野～～的确，等左唔系好耐就可以入去食野。最初，侍应安排左我地去order枱度坐，但系可能张枱实在太近counter，所以不停有侍应行出行入，仲要系咁踢到我男朋友张櫈，结果我男朋友忍唔住叫左个经理过黎，同佢讲话想换枱。点知个经理望都唔望下就答我地冇枱（明明我地见到附近有张吉嘅六人枱，回转枱亦有空位...=.=），跟住我男朋友就重申佢真系俾人踢櫈踢左好多次，even经理行埋黎果阵都踢左佢一野，个经理先肯同我地换枱，不过态度麻麻，亦都冇同我地讲过一声唔好意思。到食物送黎嘅时候，我男朋友就话点解佢啲寿司咁细件，似一条条多过一件件。我望下又真系几细件㖞＠.＠ 我谂佢呢度嘅两件大概等于板长嘅一件半左右啦～但都唔紧要，计我话最紧要好食，细细件反而可以试多几款～可惜，食物质素实在叫人失望！啲吞拿鱼刺身好似渗紧水咁，颜色暗哑冇光泽，亦冇任何鲜味，反而
今晚我同男朋友喺铜锣湾食晚饭，由于我非常肚饿而其他就近嘅食肆都好多人，我地决定去呢间冇乜人等位嘅江川。
喺等紧位嘅时候见到佢门口个menu，啲食物睇起上黎好吸引，令我地都非常雀跃，谂定想order边几样野～～
的确，等左唔系好耐就可以入去食野。
最初，侍应安排左我地去order枱度坐，但系可能张枱实在太近counter，所以不停有侍应行出行入，仲要系咁踢到我男朋友张櫈，结果我男朋友忍唔住叫左个经理过黎，同佢讲话想换枱。点知个经理望都唔望下就答我地冇枱（明明我地见到附近有张吉嘅六人枱，回转枱亦有空位...=.=），跟住我男朋友就重申佢真系俾人踢櫈踢左好多次，even经理行埋黎果阵都踢左佢一野，个经理先肯同我地换枱，不过态度麻麻，亦都冇同我地讲过一声唔好意思。
到食物送黎嘅时候，我男朋友就话点解佢啲寿司咁细件，似一条条多过一件件。我望下又真系几细件㖞＠.＠ 我谂佢呢度嘅两件大概等于板长嘅一件半左右啦～但都唔紧要，计我话最紧要好食，细细件反而可以试多几款～
可惜，食物质素实在叫人失望！啲吞拿鱼刺身好似渗紧水咁，颜色暗哑冇光泽，亦冇任何鲜味，反而有阵金属味同血水味（佢仲要话系蓝鳍吞拿=.=），令我觉得佢好唔新鲜～
再试其他寿司，鱼生同样难食 而且因为佢整到件寿司好似一条条咁（个人估计啲寿司饭唔系手握出黎，而系将饭放喺保鲜纸上，卷成条状再喺中间拧断，如果唔系冇理由旧饭会两头尖=_="），筷子永远夹唔稳，,郁下就跌，以致进食非常困难～我自问揸筷子都几叻，但都跌左旧有好多沙律酱嘅寿司落件衫度=n=
再加埋只豉油碟细只得黎又系碗形设计，碗口细、碗又深，当我想将寿司反转放入豉油碟，点少少豉油先食果阵，我发觉根本放唔入，扣分!!!
个一口鹅肝系人气之选，我地都order左一客，其实件鹅肝本身冇咩太大问题，唔系特别好食但亦唔难食，不过衰在件多士质素好差，食果阵感受到嘅唔系松脆，其实如果系硬脆我都接受，但件多士食落系会碎成一粒粒好幼嘅粉状，超级呕心！呢种口感证明个方包本身搓得唔好，焗出黎完全冇起丝嘅状态，我相信求其行过是但一间面包店啲方包都会好食过佢，真系唔知佢入果啲货喺边度黎......
虽然我男朋友话佢未食饱，但最后我地都冇食晒啲野，最初我地都觉得好浪费，所以勉强食多左两件，不过真系顶唔顺，太难食～卒之净返几件充满金属味同血水味嘅鱼生&寿司～
呢间舖头真系帮衬一次就够，亦冇兴趣再去试其他野睇下有冇机会翻案。
张贴