The Luxe Seafood Bar & Resto (已結業)

即兴相约友人放工后去朗豪坊购物。友人俾'任食生蚝'4字吸引话不如试试。当时7点半但仲未买完野。同带位既姨姨话留8点半既位置。姨姨友善咁话:'本来只系可以订到7点半咋但今日冇咩人就帮你地留位啦!'服务态度不错。之后一小时除左购物，当然有上黎open rice一下咩来头。见到劣评如潮都有d想缩沙。但算啦原本冇期望就应该唔会失望呱?星期日都唔满实属少见。餐厅俾想像中细，但装修不错。去攞野食，谜底终于揭晓，生蚝望落超大只又肥美，开头见到得唔够十只好似会好快俾人攞哂，但原来企入面既师父见冇几多就再补返几多。我系爱蚝之人，但唔多唔少有比其他劣评影响，攞住2只试左真伪先!首先，肉系连壳的，我并唔讨厌。加少少柠檬汁上去。因为蚝肉真系太大冇办法一次过放入口有咬开两半。好新鲜，冇沙冇腥味!之后每次攞既都非常美味，但因太大所以食唔到好多只...甜虾都要大赞，连壳要自己剥，味道非常新鲜!!热食冇乜掂所以就俾唔到评价。但眼见有猪鸡鸭青口等等都算丰富。甜品数量适中，好在的式可以试哂!睇其他评价话除左水所有饮品都要另外收费。但我今日去就有灯汗任斟。如果系因为老细听到feedback而做既action咁几好，识做生意