影片
更多
2009-09-06
21 浏览
晏昼谂住买外卖返屋企食~记得阿妹介绍的呢间铺~就o黎试下!本来谂住买个糖水当lunch...但酷爱芝士的我! 见到芝士捞公仔面! 点可以唔试!一个芝士捞公仔面餐...有个面加一杯冻/热饮... 可以饮普通野饮又得...蜂蜜绿茶/是日特饮都得!芝士面可以拣鸡扒, 鸭胸肉, 中虾(+$2)等等...仲有几款唔记得...加埋$26...价钱算ok~门口写住加$6可以有泰式鱿鱼须/(好似系)生果盒/酒店级木榶布甸..本来要木榶布甸...但系无晒...所以要左泰式鱿鱼须~ 芝士鸡扒捞公仔面: 一打开以为佢比错焗蕃茄汁我...有d失望...再试下d茄汁有冇芝士味...点知无...谂住唉...26蚊算啦...点知食左一啖公仔面...哗! 即刻眼都突埋...好芝士呀! 直头好似每条公仔面都有芝士咁ga! 坊间有好多芝士捞公仔面...但好多都系淋芝士味上面就算...呢道唔同...每一啖面都好有芝士味...就算一啖面加埋一旧酱咁食...d茄汁都唔会盖过芝士味!泰式鱿鱼须: 酸酸地几开胃~d鱿鱼须都几多~有6-7梳仔~不过我觉得硬左少少~个底有d粉丝吸味...虽然只系加$6要ge小食...但系d工夫都做到好
本来谂住买个糖水当lunch...但酷爱芝士的我! 见到芝士捞公仔面! 点可以唔试!
一个芝士捞公仔面餐...有个面加一杯冻/热饮... 可以饮普通野饮又得...蜂蜜绿茶/是日特饮都得!
芝士面可以拣鸡扒, 鸭胸肉, 中虾(+$2)等等...仲有几款唔记得...加埋$26...价钱算ok~门口写住加$6可以有泰式鱿鱼须/(好似系)生果盒/酒店级木榶布甸..本来要木榶布甸...但系无晒...所以要左泰式鱿鱼须~
芝士鸡扒捞公仔面: 一打开以为佢比错焗蕃茄汁我...有d失望...再试下d茄汁有冇芝士味...点知无...谂住唉...26蚊算啦...点知食左一啖公仔面...哗! 即刻眼都突埋...好芝士呀! 直头好似每条公仔面都有芝士咁ga! 坊间有好多芝士捞公仔面...但好多都系淋芝士味上面就算...呢道唔同...每一啖面都好有芝士味...就算一啖面加埋一旧酱咁食...d茄汁都唔会盖过芝士味!
泰式鱿鱼须: 酸酸地几开胃~d鱿鱼须都几多~有6-7梳仔~不过我觉得硬左少少~个底有d粉丝吸味...虽然只系加$6要ge小食...但系d工夫都做到好足!
荔枝红茶: 今日ge是日特饮系荔枝红茶...虽然返到屋企d冰已经溶晒...但系饮落都仲好有荔枝味wor! 无hea做的! 不过有少少粒粒...细粒到唔似椰果~应该系荔枝ge渣~
本来谂住食个外卖无谂住打食评的~但系食左一啖真系好好味...所以决定即刻影相写食评=)
另外要讲ge系o个道ge员工都好好礼貌~我问佢几样野佢都笑住咁答我下次一定会再o黎! 不过下次唔会加$6要泰式鱿鱼须了...应该会加木榶布甸~因为我食完个餐已经好饱~如果有埋个甜品就10个满足喇
张贴
