第一腸粉專賣店

营业中

休息中

听闻呢间野之前拎过米芝莲，所以就黎试下啦，点知真系好差，食物质素差，服务态度差，完全一啲唔值得试，唔怪之得佢呢两三年已经冇左米芝莲。佢地台面得牙签同胡椒粉，连豉油辣酱都冇，要XO酱就盛惠$5。我嗌左菜干猪骨粥同一碟油菜。碗粥煲左好耐，每一粒米都煲到烂晒，但我又唔钟意煲到咁烂嘅粥，而且好多粥水好少米，猪骨得一小旧仲要真系全部骨，一丝肉都冇。菜干唔多，而且成碗粥好重味精味，我完全唔知自己食紧啲乜。油菜全走，$17得5条极细而且极老极唔新鲜嘅菜心，我觉得$5都俾多佢。问佢攞豉油俾你一小碟上面得几滴，而且侍应仲要黑面。总之呢间野真系好差，我好少俾差评都忍唔住呀。唔系就饿晕都唔会再去食。