意粉 360 (已結業)

朋友饭叙，选址spaghetti360。一嚟系因为想尝新，二嚟系想睇下佢同spaghetti house有几唔同。一打算餐牌，感觉有d似日式café嘅menu，多左d石锅类食物，其实好似都无咩分别…另外都有d套餐，而散叫主菜可以加20蚊要多一个酥皮汤同埋餐饮。我地决定叫一个pasta加一个pizza，再每人加20蚊转餐。Pasta就叫左忌廉汁海鲜意粉同埋360pizza~酥皮汤就一红一白。首先红白酥皮汤上场，一贯spaghetti house嘅酥皮汤，另外加上忌廉汁海鲜意粉都稳稳阵阵嘅味道，无惊喜亦都无惊吓。360pizza反而令我地估佢唔到，首先一出嚟~我朋友就讲左句唔系圆嘅!!虽然唔系圆，但又几好食，配料有烟肉同白烚蛋，食落去有少少咸香但又令我好有食早餐嘅感觉，而埋单就刚好200蚊，食完之后真系忍唔住谂，其实点解要开副线呢，无论价格味道整体感觉除左个餐牌我都觉得系spaghetti house。如果餐厅真系想创新而又要摆脱主线嘅影子，睇嚟要再谂下点做了。