影片
更多
2010-07-14
81 浏览
一行四人, 普通聚会. 环境好好, 但系D侍应面色好难睇. 叫左个四人套餐, 个汤真系好浓, 够晒火侯. 之后系大虾, 一人一只, 开左边再炸所以一人有两件, 用刀叉食, 虾鲜甜爽口, 仲有膏添, 正. 跟住上既系烧乳鸽, 好味. 之后系蒸班头腩, 下面垫左D云耳, 吸晒D鱼鲜, 鱼亦都好滑, 非常正. 最后系上汤苋菜, 有水准. 甜品系桂花匠椰汁糕, 清清地, 不过无桂花味. 食物我觉得真系做得好好, 有细致. 但系服务态度真系好差. D男侍应都还好, 女侍应呢就真系全程黑面. 叫佢又好似唔多想理你咁. 帜哥真系要搅搅佢.... 唔只世贸呢间系咁, 系OPENRICE见其他分店既COMMENT大部份都系话D员工服务态度差.... 似乎形成左龙皇文化.... !!!
张贴