大瀛喜日本料理 (已結業)

呢间又系食过好多次都觉得好正嘅放题！😍😍😍所有食物质素都好好！即使系放题都唔会同你求其做，摆盘都摆得好靓仔！满分！我哋嗌左晚市放题$278/位，入面包晒刺身、烧烤、小食、饭面等等！种类丰富！❤️刺身劲新鲜！上次啲贝俾人点晒唔够食🤣今铺就一次过嗌够佢🤣😍佢啲贝真系好好食！仲有出边自己夹嘅冻虾同埋青口都劲新鲜！好甜，啲肉又弹牙！骑士仲有个人强烈推介嘅炒大虾都好好味，大虾🍤弹牙又够大只！另外牛舌、蒜蓉烧扇贝、花胶、乳鸽同埋羊架都极力建议大家去嗌！😍😍😍相信我唔会介绍错你哋！花胶劲厚肉，又大嚿！香脆炸乳鸽热辣辣新鲜出炉！除咗以上食物之外，自助吧仲有凉拌前菜、冷盘、雪条雪糕、自家甜品、饮品～食得超满足❤️