快靚正燒味粉麵茶餐廳 (已結業)

突有来宾到访，受屋企人之命，要斩料返屋企加𩠌。见到招牌快靓正，真系想睇有几快靓正。街窗挂满各类斩料，任君选择，而家色泽唔错。店内好多街坊客，可见人情味甚重。炸乳鸽有卤水乳鸽，可以原只即炸。转个头师傅已经拿咗去炸，新鲜滚热辣，香味飘逸。叫师傅帮手一开四，手起刀落，已经完成。返到屋企一试，肉质幼嫩，而且因为卤过，好入味。烧鹅外层香脆，内层鲜嫩，中间夹住薄薄嘅油脂，唔会太油，恰到好处。烧鹅识食一定要配酸梅酱，可以将味道升华，而且有助解腻。烧腩仔系骨腩而唔系腩肉。骨腩近骨，所以肉质较滑，而且层次分明。表皮好香脆，沾上芥辣，另一番享受。