27
2
4
等级4
643
1
真系成间都系男人负责
2015-10-02 1533 浏览
为咗庆祝母亲节, 特意上OR揾下有乜好推介, 见到呢间餐厅d食评好似唔错, 于是预早book枱, 而餐厅方面, 会问定驶唔驶order定d咩食物? 咁佢地可以预早安排, 到时唔驶等咁耐, 咁我当然系order定猪仔骨同咸猪, 两个主打啦~ 其余去到再谂~地点唔算难揾, 但楂车就要早d嚟, 因为系泊街边, 晏咗就冇位, 要去远d的停车场泊~呢度地方唔大, 而且我地坐响厨房门口, 所以油烟都几劲, 不过可以睇住班男人, 响厨房走来走去整嘢, 系等食时一个不错的节目~  虽然系母亲节, 但依然有set dinner, 而且都算几抵食, 于是叫两个餐, 再散叫一d, 最终系食唔哂, 要打包tim~   餐汤、餐包、薯茸 虽然叫咗两份set, 但只上得一份, 半枱人share食住先, 但差不多分哂嚟食, 另一个都未上, 追问佢时, 话佢地一有就上咗先, 唔会等齐先上, 另一份整紧, 但奇怪地两个餐系同时落单, 整呢d唔驶搞咁耐呀?  餐汤 -> 浓浓的忌廉, 好creamy, 好重奶味, 好滑口~  餐包 -> 焗翻热的面包, 系一大旧, 切成一份份的size, 有d牛油
更多
为咗庆祝母亲节, 特意上OR揾下有乜好推介, 见到呢间餐厅d食评好似唔错, 于是预早book枱, 而餐厅方面, 会问定驶唔驶order定d咩食物? 咁佢地可以预早安排, 到时唔驶等咁耐, 咁我当然系order定猪仔骨同咸猪, 两个主打啦~ 其余去到再谂~

地点唔算难揾, 但楂车就要早d嚟, 因为系泊街边, 晏咗就冇位, 要去远d的停车场泊~

呢度地方唔大, 而且我地坐响厨房门口, 所以油烟都几劲, 不过可以睇住班男人, 响厨房走来走去整嘢, 系等食时一个不错的节目~
 

虽然系母亲节, 但依然有set dinner, 而且都算几抵食, 于是叫两个餐, 再散叫一d, 最终系食唔哂, 要打包tim~
29 浏览
0 赞好
0 留言
  
 餐汤、餐包、薯茸
餐汤、餐包、薯茸
28 浏览
0 赞好
0 留言
  虽然叫咗两份set, 但只上得一份, 半枱人share食住先, 但差不多分哂嚟食, 另一个都未上, 追问佢时, 话佢地一有就上咗先, 唔会等齐先上, 另一份整紧, 但奇怪地两个餐系同时落单, 整呢d唔驶搞咁耐呀?
 餐汤 -> 浓浓的忌廉, 好creamy, 好重奶味, 好滑口~
 餐包 -> 焗翻热的面包, 系一大旧, 切成一份份的size, 有d牛油香草, 好香~
 薯茸 -> 似系自家制, 唔系完全茸哂, 系有d薯粒, 好有texture~

 
 焗海鲜宽条蛋面
焗海鲜宽条蛋面
32 浏览
0 赞好
0 留言
 焗得几干身, 而且都够芝士, 一人分到一啖仔, 特别觉得好食~

 德国肠拼盘
德国肠拼盘
27 浏览
0 赞好
0 留言
 有几款口味, 当然有鸡肉同猪肉, 但始终觉得猪肉好味d, 因为质感实净d, 又浓味d, 鸡肉就肉质太散, 冇口感~ 由于肠系好浓味同油腻, 所以旁边有d酸青瓜同酸菜丝, 等你解下d味, 消下济~

 烧猪仔骨 (1份)
烧猪仔骨 (1份)
39 浏览
0 赞好
0 留言
 虽然一早order咗, 但始终都系到咗先安排去烧, 所以都等咗一段时间, 不过烧得干咗d, 唔够juicy, 头尾果两旧干到柴咁, 而且味道对我地嚟讲系太浓, 有少少失望~

 
 苏豪特式10"薄饼
苏豪特式10''薄饼
40 浏览
0 赞好
0 留言
 pizza有两个size, 其实只系想试下, 所以叫咗个10"试下, 又唔知叫咩𩠌好, 于是叫呢个苏豪特式, 有辣肉肠、免治牛肉、五香肉粒、火腿、鸡肉、芝士, 够哂多料~ 但佢d芝士唔够拉丝, 而饼底厚度唔算厚, 但又未系传统果只咁薄, 我觉得pizza专门店好d食~

 芝士焗咖哩鸡皇饭
芝士焗咖哩鸡皇饭
41 浏览
0 赞好
0 留言
 个饭系超多汁, 而且太辣, 搞到要"片"开d汁,用大量饭配小量汁先食到, d鸡又唔算多, 比d汁遮住哂, 好似寻宝咁, 食得有d辛苦~

 黑松露云吞
黑松露云吞
38 浏览
0 赞好
0 留言
 超大只碟, 入面只系得10粒一口云吞, 其实一啖放入口, 系食唔出佢有咩馅, 当然唔系黑松露馅啦~ 黑松露只有面果少少黑松露汁~ 呢碟一定要多人share, 我地一人食一粒, 连埋d汁, 都已经觉得好"漏", 因为佢个汁实在太cream, 又浓又漏, 如果两个人食, 分分钟食完呢个都饱哂, 唔驶食其他~

 德国咸猪手
德国咸猪手
45 浏览
0 赞好
0 留言
 好香, 个皮超脆, 好似食薯片咁, 个个争住食猪皮, d肉比人冷待, 但其实个肉都好好食, 唔会好干, 又唔太咸, 但始终唔个皮咁吸引, 又脆又唔油, 伴碟的薯角都系一样, 热辣辣脆卜卜~ 但都要食返旁边的酸青瓜同菜丝, 解一解d热气~

 
 凯撒沙律
凯撒沙律
35 浏览
1 赞好
0 留言
 食完d油腻嘢, 食返个沙律, 即刻清哂, 消哂济, 因为d菜好fresh, 个黑醋酸酸地好开胃, 平时出街都好少叫沙律, 因为觉得又贵又唔够饱, 唔抵食, 但今餐实在太heavy, 要叫个沙律中和返~

呢度由门面到厨房, 真系清一式男人, 冇一个女人见到, 除咗客人, 真系想知佢地系咪连洗碗都系男人?

(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
味道
环境
服务
卫生
抵食
用餐日期
2015-05-10
用餐途径
堂食
人均消费
$162 (晚餐)
庆祝纪念
母亲节
推介美食
餐汤、餐包、薯茸
焗海鲜宽条蛋面
德国肠拼盘
苏豪特式10''薄饼
黑松露云吞
德国咸猪手
凯撒沙律