燒味滷師 (成城大廈)

营业中

休息中

烧味卤师系短时间内已经开了第四间分店，就知佢咩料啦！呢排搞搬屋，最近我就系葵涌开嘅新店！之前帮衬过长沙湾分店一到放工时间就劲多街坊排队。透明橱窗望落干净光鲜明亮～新张优惠贵妃鸡、豉油鸡、盐焗鸡都系$59/只 仲可以买半只$30 好抵！单双拼饭盒都系$22/盒，真系无咩边度可做到。唔想煮饭斩料做𩠌就最好！至尊烧鹅（上庄）$110 盐焗鸡 半只 $30烧味佬叉烧 $50泰式凤爪 $42烧鹅唔会过肥，肉质都唔算韧。叉烧食得出淡淡玫瑰露酒调味，叉烧软稔，好好味。盐焗鸡熟度刚好，唔会干柴。泰式凤爪配海蜇意外地凤爪同海蜇都几入味，而且海蜇份量都几多。烧味配红酒都几夹。