嗦嗦

营业中

休息中

佢啱啱开嘅时候我见好多人去成日有人等位都以为几好食所以趁今日闲逸下午茶时间冇咁多人就去试吓，点知超级中伏！因为佢嘅下午茶餐冇我想食嘅嘢，所以我就散叫其实我去嘅时候入边只有两台客人，点知一个侍应将我带到员工食饭嘅位置我周围都系员工喺度食紧饭同休息趴喺枱度瞓紧觉😨我都唔太计较环境啦，只系想试吓间嘢好唔好食叫咗一个蕃茄蟹汤蟹肉丸扎肉河粉同埋越南春卷仲有一杯冻柠檬茶首先系个柠檬茶嚟咗先嘅正常味道都好大杯糖浆系可以自己落嘅冇问题然后𠮶个汤粉先系最大嘅问题我个蕃茄汤底系似罐头蕃茄汤加咗超级超级多水完全冇味道只有少少蕃茄罐头汤嘅甜味最过分系佢𠮶粒所谓蟹肉丸一食落去一阵腥臭味我咬咗一啖呕返出嚟扎肉系普通正常超级市场扎肉然后同个楼面讲你个汤底好唔够味，佢俾咗一兜盐同埋一支好奇怪嘅酱俾我加完之后仲难食过冇加😭我都好明白，点解佢得两台客全部员工都唔想工作，咁样明明得两台客举咗手劲耐都冇人理你好明显个客食咗两啖就走，你都应该问吓发生咩事呀？不过佢唔问我都冇嘢讲，因为都冇谂住再去睇到依篇文章嘅朋友劝你哋无谓嘥钱啊