巴沙新加坡小品 (已結業)

话系星架波人，老板娘口边经常挂住英文但我觉得似d竹升似些少。某星期六下午咁o岩行过突然想食星洲o野，就同太太入去，坐位稍迫。正如前面第三个既食评，黑板上既价钱好吓人，可说系特色。结果叫海南鸡饭同鸡喇沙，冇午餐即系唔包饮品所以加o左两支汽水。食物上台，海南鸡饭基本上似砌鸡饭，冇真正星架波海南鸡饭o既酱汁，鸡唔滑，饭当然唔系正宗既鸡油饭；鸡喇沙即刻被太太投诉睇落都唔正宗(唔系果种粉)，结果食落系不过不失，但唔可以当系喇沙。埋单一百二十几，平心而论，出品高唔过茶餐厅几多但系收中高档餐厅价钱，冇下次啦。