元札幌拉麵 (悅來坊)

营业中

休息中

约咗朋友喺荃湾食饭，朋友话想食拉面见到佢就谂住试吓，入到去未够8:00 ，已经好多串烧都冇，牛肋条啊猪颈肉啊牛舌全部都冇。咁谂住有啲嘢冇得买就算啦嗌其他嘢食啦，点知佢个拉面真系唔得，面条一坺嘢咁嘅样，猪软骨干到飞起，又系一坺嘢咁嘅样，个汤底系咪直接落豉油就算㗎？为咗方便影相，我已经将啲面晾起咗，如果直接影佢拎上嚟𠮶碗面，几乎系大部份嘅面都会被𠮶啲豉油浸住，睇唔到里面有啲乜嘢然后两串嘅猪梅肉，烧到过晒，里面啲肉湿到飞起，真系确定系厨师烧嘅？好彩佢其他嘢冇得卖，如果唔系真系嘥钱。然后2025年嘅今日，净系收现金，唔系唔得嘅，但系唔系呢啲质素嘅餐厅会令人接受啰。服务算啦，态度可以嘅，但系好明显系完全冇培训。