農米莊

营业中

休息中

嚟到太子想揾野食，见到呢间餐厅标榜”会饮埋啲汤”，作为米线控&汤控，就入咗去试下。佢嘅米线汤底有好多款式，连芫茜汤都有！！！芫茜控即刻叫咗。朋友就叫咗椰子鸡，感觉都好养生。佢嘅米线好淋，唔钟意淋米线嘅要留意。而佢嘅鸡件系非常嫩滑，好好食😋，好有鸡味，而且令到个汤好香鸡油味，正。汤底就真系不得了，芫荽汤系真系有满满嘅芫荽，加埋足粒煲嘅鸡汤，令我不禁喺咁饮，争啲就饮哂。佢仲另外有一大乍芫茜加落去，绝对满足到芫茜欲望！椰子鸡都唔错，唔会好重椰子味，但又有椰子香，配搭落鸡件同鸡汤都好夹，唔会漏。整体嚟讲非常好，而且我哋下午茶时段去，每人$48咋！抵！