影片
更多
2023-04-17
3048 浏览
路过筲箕湾形荟见到有间餐厅叫做「一家」，首先俾佢嘅装修吸引咗，里面嘅一幅瓷砖地同埋卡位嘅瓷砖墙，好有30年代feel。再睇埋Menu见到有臭豆腐食，好惊讶！香港好似好少餐厅有臭豆腐食（又或者小弟知识乏味😅）于是就决定喺度食晚餐。我叫咗臭豆腐（因为我系为咗佢而入嚟食😂）、外婆红烧肉流心蛋、海鲜浇头面（第一次听浇头面，于是上网查下，原来浇头面是上海道地面食，「浇头」是指添加在饭、面上的配料，浇头面意思就是把配料加到阳春面(或是干面)里头，咁我醒起，因为细个嘅时候，如果唔想食饭，我外婆就会将一个𩠌淋上系个汤面度俾我食，所以我一定食过，因为咩𩠌都可以做出嚟，所以劲多变化，今晚就回味一下。）另外我仲叫咗两杯饮品，睇完个Menu唔叫唔得，因为啲名好得意，一杯系串嘴表妹，另一杯系娇滴滴姪女😂。臭豆腐 - 平时喺街边食臭豆腐嘅时候，食得好论尽，喺餐厅食就可以优雅多啲，而且佢哋嘅臭豆腐有一个优点，就系平时食嘅臭豆腐系正方体，所以要擘到个口劲大，而呢度虽然系大旧过出面，但系就唔系正方体，有啲似豆腐干既形状，容易咬，唔会食到好论尽。碟臭豆腐一放低就已经闻到阵味😅唔系劲臭𠮶只，臭得来顶得顺，表面炸得好脆，点埋
臭豆腐 - 平时喺街边食臭豆腐嘅时候，食得好论尽，喺餐厅食就可以优雅多啲，而且佢哋嘅臭豆腐有一个优点，就系平时食嘅臭豆腐系正方体，所以要擘到个口劲大，而呢度虽然系大旧过出面，但系就唔系正方体，有啲似豆腐干既形状，容易咬，唔会食到好论尽。碟臭豆腐一放低就已经闻到阵味😅唔系劲臭𠮶只，臭得来顶得顺，表面炸得好脆，点埋甜酱食真系好爱呀🥰
外婆红烧肉流心蛋 - 哗！五花肉煮得好淋，好入味，望落去虽然肥，但系食落口唔油腻，旧五花肉处理得好好，外婆红烧肉虽然系一个𩠌名，但系我外婆真系经常煮红烧肉俾我食，每次碟𩠌一出嚟，我第一时间抢墨鱼食，而呢度居然同我外婆一样都系用墨鱼炊五花肉，因为系出面食既通常会用百页结又或者净系肉，估唔到呢度同我外婆一样都系用墨鱼，非常惊喜😘而且呢度系用大墨鱼，所以够厚身，好食！加埋流心蛋配饭食无敌👍🏻
海鲜浇头面 - 将一款𩠌菜淋落汤面度，味道应该会淡左，呢方面佢哋处理得好好，味道刚刚好唔会过咸，而且碗面几大碗，海鲜料亦够多，食完之后好满足。
串嘴表妹 - 柑桔茉莉茶、杂莓、柠蜜爆珠
娇滴滴姪女 - 芒果芝士云、茉莉茶
饮品都系好饮，写咗啲配搭系度，自己想像下啦😊
臭豆腐
43 浏览
1 赞好
0 留言
外婆红烧肉
55 浏览
1 赞好
0 留言
海鲜浇头面
43 浏览
0 赞好
0 留言
海鲜浇头面
45 浏览
0 赞好
0 留言
串嘴表妹
35 浏览
0 赞好
0 留言
娇滴滴姪女
19 浏览
0 赞好
0 留言
张贴
