順日本料理 (已結業)

黎呢头倾野，倾完都8点几。咁就同客喺附近揾食，上黎睇有咩好食，见到呢间好多好评，又见讲开业成30年。咁大家都知，一间餐厅可以喺香港开咁多年系好难既，咁一于去试下啦。我呢只牛魔王，睇呢度啲食评，好多都讲到牛舌好正，睇啲相又越黎越觉得正😍😍😍一于试下厚烧牛舌便当。加多个寿喜烧（系呀，又系牛呀🤣🤣），同几样小食。先黎左个炸饺子，炸得好香脆，外暖内热，唔错👍鸡泡鱼干，我最爱😍😍热辣辣，㶶㶶地，正👍👍👍。可惜唔够多，可能之前食开大块啲，而家个份量好似同出面既唔同，觉得唔够啰。味道高分，份量减分😂😂，都值得推荐👍👍烧茄子睇上去几靓，另外加酱汁，食落唔错，每件茄子淋小小酱油上去，掂👍不过唔似系烧既，觉得似蒸既多。但都好食寿起烧成锅热辣辣，汤汁微甜，肥牛份量足，有埋前菜（中华沙律）同面豉汤，掂👍饭份量ok，唔大食既话应该食唔哂（不过我地好大食😂😂，岩岩食得哂🤣）👍👍👍厚烧牛舌定食就真系比预期更正😍😍块块都厚过我只手指，外微焦内淋，咬落去好juicy，超鲜甜😍😍😍😍荞麦面份量比其他铺头多（应该多成倍）加埋配菜三文鱼同面豉汤，完全大满足👍👍👍👍埋单6百几，唔敢话好抵，但我觉得你物超所值👍👍有机会一定再黎食