影片
更多
2016-04-19
3931 浏览
7/4/2016晏昼行过见有新嘢,即时致电订位当晚去食,听阿姐讲只系新开咗3日;订咗6:30pm,由于公司喺附近,6:20pm就到咗,喺门口排咗一阵队等带位就可以入座,被安排坐于窗口位,算系较近食物台啦!当时都未知除咗坐喺中间较出嘅位置外,原来呢个都算系个好位嚟,直至阿姐忽然叫咪话有海鲜攞,即使冲出去排先知系个优势;当晚喺我地用餐嘅两个钟内阿姐一共叫咗5次咪,我地就分别拎到 :-18:39 – 虾(每位一只,排多次就可攞多只), 19:04 – 蟹(每位2-3只蟹脚), 19:20 – 虾(每位一只), 19:43 – 象拔蚌(每位一只), 20:06 – 龙虾(每位一件), 临走时仲见佢准备出元贝,但明知已经够钟,即使攞咗都冇时间蒸,所以冇排; 海鲜质素比想像好,虾大只夹口,蟹虽然细件但都几鲜甜,象拔蚌同龙虾都达到预期味道,不过要提一提嘅系,呢啲比较矜贵嘅食材系唔够分俾全场嘅人,手快有手慢冇,见有啲真系排咗好耐,排到先知已经派晒架!其他生料款式就冇出面咁多选择,但钟意佢蚬类都分咗3款(我唔识分,但应该唔系同一样嘢嚟,有3个size,当中有样好似系花甲),鱼又有好多好多款(好多人攞嚟蒸
18:39 – 虾(每位一只,排多次就可攞多只), 19:04 – 蟹(每位2-3只蟹脚), 19:20 – 虾(每位一只), 19:43 – 象拔蚌(每位一只), 20:06 – 龙虾(每位一件), 临走时仲见佢准备出元贝,但明知已经够钟,即使攞咗都冇时间蒸,所以冇排; 海鲜质素比想像好,虾大只夹口,蟹虽然细件但都几鲜甜,象拔蚌同龙虾都达到预期味道,不过要提一提嘅系,呢啲比较矜贵嘅食材系唔够分俾全场嘅人,手快有手慢冇,见有啲真系排咗好耐,排到先知已经派晒架!
其他生料款式就冇出面咁多选择,但钟意佢蚬类都分咗3款(我唔识分,但应该唔系同一样嘢嚟,有3个size,当中有样好似系花甲),鱼又有好多好多款(好多人攞嚟蒸),我蒸咗其中两款嚟食,好好味;呢啲都系一般火锅任食比较少见嘅,反而就几啱攞嚟蒸,佢地仲有提供埋豆豉,应该系用嚟蒸海鲜用嘅,连呢啲都有考虑到,我自己就几欣赏喇! 打算迟啲全家总动员嚟食,因为今次只得两人,细台佢地用嘅系屋企都会用嘅锅具,见佢大台个炉系有埋计时器嘅,感觉pro啲又唔使自己睇钟计,所以好想玩吓;而家潮流兴食蒸汽锅但动辄都要几佰蚊一个头,一家几口去食埋单条数都几襟计,呢度唔同,虽然唔同出面𠮶啲主打海鲜,但平平地可以试吓都唔错丫
张贴
