老掌櫃東北菜館 (已搬遷) 新店位置

平时同老公二人最爱食东北菜，今日撞正老公旧历生日，谂住食大佢，无意间比我系openrice揾到呢间唔错嘅评语嘅小店。门口装潢老北京感觉红铛铛，入到去更有浓厚中国气息，我一早打电话book左位加留半只片皮鸭，当然如果大家无留定鸭佢都有机会比到你，但最好紧系预留定啦，以免一场欢喜一场空，我地7点到达餐厅，都见仲有位剩，不过慢慢好快就爆满了。佢落单形式系比张纸笔你写上菜肴名字或者相对号码，我地一行二人叫左麻辣海哲头，京葱羊肉，鸡丝粉皮，半只片皮鸭。比左单后发现原来佢醉鸡有拎奖！个饺子都好似好好食咁，好多人叫，仲想食个羊馅饼啊🥙！不过无咁大个胃口，唯有下次食。麻辣海哲头，有麻香，又有大旧，唔太辣，好鬼惹味！其实本人本身就好钟意食羊，所以我一定觉得京葱羊肉好食，有少少似干炒牛河，不过老公平时一般羊都觉得好味，佢话唔骚，所以唔太好羊嘅朋友仔都可以试下。鸡丝粉皮佢沟左花生酱，甜甜地好开胃，又可以解辣，唔系啲一夹就断哂嘅粉皮，软硬刚好👍🏻最后，我大爱片皮鸭，半只粉量刚够二人食，皮虽然唔够脆，但够香，佢嘅鸭系带有肉，如果你追求超班正宗片皮鸭得浸皮个啲，咁就唔岩你啦，不过我就好钟意，因为够鸭味，香甜新鲜。