影片
更多
2017-01-04
852 浏览
屯门呢十年发展得好快, 当大型商场落成, 连锁店横行既时候, 想揾间铺仔食下鱼蛋肠粉真系难过乜咁。 去开饭网揾下肠粉既小食, 全部都系粥铺个只胶粉弹出黎。唯有去返屯市同新墟之间桥底个间开左好耐既肠粉。 好耐无帮衬, 装修左, 比以前大左, 仲可以坐系入面食, 比起以前坐系街边食舒服dd。系外面档口排队买肠粉, $10有5条, $12有6条, 我地要左8条$16。 肠粉虽然热, 但系硬硬地唔够软滑, 又唔够弹, 无乜米浆味都算, 口感好似食紧旧粉咁, 加埋甜酱麻酱叫做好食d, 但系比以前真系渣左好多。 鱼蛋系成品来货, 唔辣鱼蛋无后期加工过, 好似就咁用滚水煮热咁, 都几失望。入面可以坐既位置唔多, 我地坐个张台系正亚姐包装外卖隔离。 间期见亚姐包紧碗碗仔翅, 就讲左句: 呢度都有碗仔翅食㖞! 亚姐答我:系呀! 点知转头递左碗比我地, 我地就话: 无叫到㖞! 亚姐:你地头先唔系话要咩? 我地费事晒野照要左: 咁加埋鱼肉呀唔该! 不过亚姐呢下真系好屈机啰! 嬲猪!! 亚姐唔知系咪听到我地话佢, 我地食完碟肠粉都未黎碗加鱼肉既碗仔翅......碗仔翅睇落好似都几多料咁, 有冬菇丝, 云耳丝同
唯有去返屯市同新墟之间桥底个间开左好耐既肠粉。 好耐无帮衬, 装修左, 比以前大左, 仲可以坐系入面食, 比起以前坐系街边食舒服dd。
系外面档口排队买肠粉, $10有5条, $12有6条, 我地要左8条$16。
肠粉虽然热, 但系硬硬地唔够软滑, 又唔够弹, 无乜米浆味都算, 口感好似食紧旧粉咁, 加埋甜酱麻酱叫做好食d, 但系比以前真系渣左好多。 鱼蛋系成品来货, 唔辣鱼蛋无后期加工过, 好似就咁用滚水煮热咁, 都几失望。
入面可以坐既位置唔多, 我地坐个张台系正亚姐包装外卖隔离。 间期见亚姐包紧碗碗仔翅, 就讲左句: 呢度都有碗仔翅食㖞! 亚姐答我:系呀! 点知转头递左碗比我地, 我地就话: 无叫到㖞! 亚姐:你地头先唔系话要咩? 我地费事晒野照要左: 咁加埋鱼肉呀唔该! 不过亚姐呢下真系好屈机啰! 嬲猪!! 亚姐唔知系咪听到我地话佢, 我地食完碟肠粉都未黎碗加鱼肉既碗仔翅......
碗仔翅睇落好似都几多料咁, 有冬菇丝, 云耳丝同粉丝, 不过味道好淡, 麻油唔香, 要自行加多d醋调味, 最失望系口感好茨汁, 仲要系搅唔匀既茨汁, 一旧旧咁好稠。 鱼肉又系成旧粉, 一d鲮鱼味都无, 又唔弹牙, $18一细碗, 真系唔多值。
张贴
