Aroma Dessert Cafe (已結業)

作为pancake爱好者，见到呢间嘢有唔少好评就去试下啦，哗点知都几难食，唔明点解有咁多人排。嗌咗四样嘢: 柠檬爱玉，朱古力窝夫，朱古力芭菲同海盐芝士custard pancake柠檬爱玉就唔讲啦，始终嘢饮唔系佢哋主打，都系一般台式手摇店个啲味。个pancake其实煎得都还可以，都叫松软嘅，不过又未去到好有空气感。个酱真心唔掂，好咸，得盐味，一啲custard味都无，同个pancake完全唔夹。有啲评论话似奶盖，实质佢仲咸过平时啲奶盖3,4倍。个糖浆杰到好似鼻涕，有啲难倒出嚟。个雪糕一睇就知道系一球球个啲袋装雪糕，完全无味，宁愿唔好加呢旧雪糕…个cream就似系屋邨面包铺用个啲cream，姐系得油味无奶味个啲，都系完全同个pancake唔夹，其实雪糕都算，但cream真系pancake嘅灵魂伴侣，唔好用啲咁cheap嘅cream啦⋯⋯唔记得咗影另外嘅甜品，但个芭菲全部都系用同pancake同一只cream，应该都唔难想像系咩味。相对嚟讲窝夫做得好少少，几有黑朱古力味，不过出面脆返啲同成旧厚身啲会更好。希望会有进步啦，真心宁愿唔加旧雪糕，将买雪糕嘅钱摆落买cream到仲好。