慕茶 (已搬遷) 新店位置

见呢度上面既食评都OK,今日就上去试下啦.1:15左右上到去坐底已经讲明限时90分钟,OK冇问题.因为我唔会磨烂席.坐底几分钟已经落ORDER.其间只系上左饮品.我一等就等左差唔多半个钟.成埸又唔系多客,其他迟过我上泥既客都已经食野.我地仲系乜都未有.我先忍唔住催一次,D野仲泥唔泥,再唔泥就唔洗泥.我一阵仲要返工.个侍应姐姐行入厨房大大声一字不漏重覆我呢番说话.原来我落单之前要提早通知你地我之后要返工既.真系唔知原来你地对客人纪律要求系咁高.出到泥仲要同我讲要等多5分钟.一句唔好意思都冇.个位姐姐我唔知佢是咪老板啦.系既我祝你生意兴隆啦.如果佢系打工既,咁我真系恭喜你呀,请到呢D咁优秀既员工.你地D野好唔好食我就唔知啦.因为我呢D贱民冇机会品尝,不过你地D服务真系令人宾至如归!加油呀个位姐姐.