至尊雲吞麵雞煲

营业中

休息中

良心黃心！係元朗同屯門都有分店既至尊雲呑麵雞煲店，成日比野搞，所以我地真係要成日課金佢🤤心郁郁想食雞煲就嚟左呢間食啦，7點入到去就已經高朋滿座，見到台台都叫雞煲我都唔執輸！由於客人多台台都嗌雞煲嘅關係所以雞件十分新鮮，而且食得出廚房首先會將雞件煎香令到個外皮脆脆地先再落鑊煮，你唔似其他雞煲嘅舖頭咁斬開雞件之後就直接煮令到個皮淋晒失去咬口。 重要既事要講3次！！！！免費加雞免費加雞免費加雞！！我成日都唔記得加雞...今次都唔例外我都係唔記得加雞...食左第一round 雞就已經加左湯打邊爐...下次要記得加雞先食材都十分新鮮，仲有我成日鍾意食嘅鳳城水餃！唔知點解我喺出邊食開嘅水餃都唔夠呢度好食所以我encore左一次😂而我最鍾意最鍾意食嘅就係炸饅頭啦🤤佢嘅炸饅頭如果可以喺饅頭中間界一刀，就可以嫁得脆口少少。同埋希望下次見到嘅係饅頭同煉奶分開上啦，咁饅頭就唔會俾啲煉奶浸到淋晒😗👉🏻👈🏻