旦王花 - 泰越鍾情

营业中

休息中

餐厅开业好多年一直都好想黎试下，黎呢度真系一定要有车先得!有泊车服务HK$30一小时.环境真系几靓!今日带埋狗仔黎所以拣左坐室外, 11月冇风机真系好热!! 室外无灯，只靠枱上一颗圆灯仔，气氛系好好既不过真系黑得济，食物基本上都吾系好睇到!生菜包: 猪肉碎唔够惹味炒得唔够香, 肉太干, 生菜就好新鲜!冬阴公: 好足料, 有5只虾, 好弹牙好新鲜, 不过汤底略为酸, 饮多少少都顶唔顺!青咖哩鸡: 好香椰香味, 唔会太辣, d辣慢慢渗出黎, 好过引, 值得Encore!原味薄饼: 好大份最抵食, 点青咖哩好夹好好味串烧: order 左半打 , 猪牛鸡每样2串, 上枱时烧辣辣出烟, 应该系即场烧. 味道好香, 不过沙嗲汁麻麻, 唔够香浓我冇念过呢度都会有限时90分钟要交还枱，价钱吾平, 仲要系专登揸车入去食，一够钟侍应会急住收晒你枱上既野, 赶你走咁，感觉真系吾多好。