影片
更多
2022-08-27
827 浏览
今次又系朋友介绍先去呢间餐厅食好野🤣🤣我哋total八个人食呢间餐厅，我想讲真系好好食又平靓正，完全满足到我想打边炉又想食海鲜仲有鸡煲嘅餐厅！！我完全冇谂到二百几蚊就可以食到一餐咁好食嘅放题！🤣🤣一入到嚟就直接开始食鸡煲，职员会俾个Timer计时器我哋，每隔2分钟就开盖炒一次鸡，每次都要炒几次先好食！我哋八个人就有两个煲，可以拣大家心仪既辣度🤣🤣啲鸡系份量又多又入味，仲可以俾我哋加芫荽落去炒！不过，真系唔好食咁多转鸡煲，因为要留肚食后面𠮶两款菜式！！第二款系海鲜拼盘，啲职员就一路系咁帮我哋移开啲碗碟，一路叫我哋让位让多少少，𠮶阵碟拼盘仲未上黎个阵，其实我仲心谂点解要咁烦，到底要移开几多野先上得菜😂😂但系大家可以望吓张图，碟海鲜拼盘嚟咗𠮶阵，我个嘴就mark到好似个盘咁大😂因为实在太惊讶，点解可以咁多款嘅海鲜仲要有粉丝同埋乌冬做伴菜！！！之前睇OpenRice其他食评都无呢碟拼盘咁大碟，应该系因为我哋有八个人，然后就每人都可以每款都食一只，所以加加埋埋就有咁大个碟😂😂海鲜嘅味道都几唔错，又鲜美☺️☺️同埋重点系，平时好易肚疴嘅我都平安无事，绝对要推介呢间餐厅🥰第三款，都系冇咁出色既养生火锅汤
一入到嚟就直接开始食鸡煲，职员会俾个Timer计时器我哋，每隔2分钟就开盖炒一次鸡，每次都要炒几次先好食！我哋八个人就有两个煲，可以拣大家心仪既辣度🤣🤣啲鸡系份量又多又入味，仲可以俾我哋加芫荽落去炒！不过，真系唔好食咁多转鸡煲，因为要留肚食后面𠮶两款菜式！！
第二款系海鲜拼盘，啲职员就一路系咁帮我哋移开啲碗碟，一路叫我哋让位让多少少，𠮶阵碟拼盘仲未上黎个阵，其实我仲心谂点解要咁烦，到底要移开几多野先上得菜😂😂但系大家可以望吓张图，碟海鲜拼盘嚟咗𠮶阵，我个嘴就mark到好似个盘咁大😂因为实在太惊讶，点解可以咁多款嘅海鲜仲要有粉丝同埋乌冬做伴菜！！！之前睇OpenRice其他食评都无呢碟拼盘咁大碟，应该系因为我哋有八个人，然后就每人都可以每款都食一只，所以加加埋埋就有咁大个碟😂😂海鲜嘅味道都几唔错，又鲜美☺️☺️同埋重点系，平时好易肚疴嘅我都平安无事，绝对要推介呢间餐厅🥰
第三款，都系冇咁出色既养生火锅汤底，我哋都系有两个煲，一款叫做萝卜清汤腩，另一款就系枸杞乌鸡炖汤。个人认为萝卜清汤腩就有比较多既味精嘅感觉，我就钟意乌鸡汤底多啲！牛颈脊就系任叫，大家都可以出去拎其他唔同嘅边炉配菜。其实我都觉得呢个火锅都几好食嘅，喺其他餐厅可能二百几蚊净系打边炉，食唔到其他野。
但系好诚实咁讲呢间餐厅有少少缺点，其一，打开䢂门就见到有几枱客系电梯大堂条走廊到除晒口罩打紧边炉，就好似有十几二十人坐喺屋企门口出面条走廊食饭咁，走火警都唔知点算😂其二，多人起上黎，几十人连埋职员差唔多成百人共用一男一女厕，厕所隔离就系配菜区同存放住罐装饮品既地方，女士们排队去厕所就阻住其他客人开雪柜拎配菜。
总结：如果间餐厅另觅地方，租间大少少既舖位或者平日既晚上先去食晚餐，我绝对会想去食多几次👍🏻👍🏻
张贴
