Grom (已結業)

由细到大，一向都唔好食太贵价雪糕。原因系我觉得几好食既雪糕，都分别唔大。什么哈根大师,dry吃屎, 焗鸡饭，都系名过其实。但今次.....今次真系令我对顶尖雪糕界既雪糕改观了。就系呢杯雪糕，令我有味蕾上既感动。叫左两球雪糕，毕满晒整个杯， 然而我觉得仲系唔够喉。 𠮶度有成几十种味道俾你拣，我就投其所好拣咗最出名最多人食嘅开心果味同埋雪梨味。哗~开心果味雪糕真系好好食呀𠮶雪糕幼滑嘅口感，我真系从来冇喺香港任何地方食过。而开心果味系好浓郁，就好似摆晒成咋开心果喺个口度咁浓。味道虽然系甜，但你食过一啖之后，就会好想好想继续食落去，停唔到口。而雪梨味雪糕𠮶个口感竟然系唔同开心果味𠮶个㗎!雪梨𠮶个口感比较似雪葩。当然味道亦都系好香浓嘅雪梨味，就好似食紧一个新鲜嘅雪梨咁样又冻又甜又好食。两个球既雪糕虽然一杯仔要58蚊，但系我竟然食完之后觉得系值回票价架。如果你都想食雪糕有一个唔同体验嘅话，我推荐你都去试下grom 既意大利雪糕。