靠得住粥麵小館 (已結業)

今日系新都会等朋友收工，然后一齐食饭，朋友话无乜胃口，所以去咗靠得住，谂住清清地去食粥。叫咗个猪润鱼片粥，个粥底都几绵，猪润同鱼片都新鲜，同埋几多料，不过就觉得都几多味精，越食越咸。混酱肠粉，个肠粉好黏口，不过加埋d甜酱同麻酱，都算ok嘅。再叫咗个净云吞，真心个句真系麻麻地，佢都几大粒，不过就只得肉，虾就唔系好觉，汤底好咸，我真系唔识欣赏。最后叫埋个油菜，都几甜，不过就真系太少啰，成碟净得5条菜，一个人都唔够食。我系等位时见到系米芝莲推介，谂住应该唔会太差，不过食完真系有d失望。