十和田總本店

营业中

休息中

日本系好多香港人嘅故乡，一年里头闲闲地都返去三五七次，有排都返唔倒乡下，香港嘅日本餐厅都好似特别多左人帮趁，十和田就算平日夜晚都坐满人。十和田主打食寿司，不过除此之外都有小食、卷物、海鲜丼、乌冬同甜品。餐厅冇实体menu，落单可以用手机scan QR code。海鲜丼($198) - 哩个海鲜丼真系好足料，里面有油甘鱼、牡丹虾、吞拿鱼蓉、海胆、三文鱼籽、帆立贝同玉，全部都好新鲜厚切。三文鱼籽咸鲜味好突出，正呀～！！海胆虽然系较平价嘅加拿大海胆，但食落都鲜甜。牡丹虾够大只肉质亦好爽弹。吞拿鱼蓉好软滑。下面嘅丼饭加左赤醋，所以食落会有少少醋酸味，饭量亦好多，食完唔会好似食左阵风咁。火灸牛肉汤乌冬($88) - 乌冬唔会太腍，仲有少少弹口，上面嘅火灸牛肉系七成熟唔会太老太鞋，牛肉量都唔少，整体OK。总结，海鲜丼比乌冬出色，刺身新鲜之外，饭量亦足够，食完一定够饱。