影片
更多
2020-01-03
218 浏览
话说同男友想食下日本野，睇到网上呢间评价唔错就想试下个火锅餐，但有食过既朋友同我讲某订座app订九点半有半价优惠，所以谂住咁样可以叫多啲唔同种类。我哋9:20入座，坐低个带位就同我地讲和牛同海胆系冇半价，虽然都明白既，但佢个订座网上面系完全冇写，净系话单点食品半价。因为本身想食寿喜烧，但系我见到佢有和牛所以我再问多次有冇优惠，当时个侍应话有，我就问 咁头先又话和牛冇优惠，有冇㗎？咁佢走去问下个前台，再覆返我话冇，咁如果正价我宁愿食中环某间sukiyaki午餐啦！咁我话咁我食返个火锅套餐，二人起𠮶个啦。咁等左20分钟左右，佢拎咗个炉同啲食材出嚟，我心谂点解前菜都未有就咁快主菜？原来佢误会左我要果个寿喜烧，我同佢讲我要嘅系火锅套餐，佢好似唔系好明咁，因为唔知点解佢𠮶个餐牌系冇摆到出嚟。我直情开埋相俾佢睇，最后佢去咗前台先揾返张餐牌出嚟。之后竟然个经理同我地讲啲牛已经切左。？？？咁点啊？大佬啊，你岀咩菜就要买单㗎啦？何况我讲得好清楚系要火锅套餐啦㖞。唔知系咪我地唔肯屈就，佢迟迟先岀餐比我地，等到训著咁济，足足十点先有前菜食，不过前菜其实都系冷盘。好啦，上左个前菜，先同我地讲冇晒蟹要转扇贝..
我哋9:20入座，坐低个带位就同我地讲和牛同海胆系冇半价，虽然都明白既，但佢个订座网上面系完全冇写，净系话单点食品半价。
因为本身想食寿喜烧，但系我见到佢有和牛所以我再问多次有冇优惠，当时个侍应话有，我就问 咁头先又话和牛冇优惠，有冇㗎？咁佢走去问下个前台，再覆返我话冇，咁如果正价我宁愿食中环某间sukiyaki午餐啦！咁我话咁我食返个火锅套餐，二人起𠮶个啦。
咁等左20分钟左右，佢拎咗个炉同啲食材出嚟，我心谂点解前菜都未有就咁快主菜？
原来佢误会左我要果个寿喜烧，我同佢讲我要嘅系火锅套餐，佢好似唔系好明咁，因为唔知点解佢𠮶个餐牌系冇摆到出嚟。我直情开埋相俾佢睇，最后佢去咗前台先揾返张餐牌出嚟。
之后竟然个经理同我地讲啲牛已经切左。？？？咁点啊？大佬啊，你岀咩菜就要买单㗎啦？何况我讲得好清楚系要火锅套餐啦㖞。
唔知系咪我地唔肯屈就，佢迟迟先岀餐比我地，等到训著咁济，足足十点先有前菜食，不过前菜其实都系冷盘。
前菜
4 浏览
0 赞好
0 留言
好啦，上左个前菜，先同我地讲冇晒蟹要转扇贝...其实我唔太啱食，不过等咗咁耐都要食㗎啦。
不过值得一赞既系啲野食真系唔错！几好食既！
个生蚝同刺身都新鲜！呢个价钱乜都有啲，扺食。
因为佢跟餐比左个饭我地最后放落汤底，咁我谂住食啲黎𩠌个牛啦，但一食，哇
不得了，正宗食湿米，又松又唔热，咁我以为佢系放汤底先系呢种饭，于是我就叫多碗饭，结果都系一样。。。唔讲咁多，睇图都睇到咩事。
不过去到最后我真系跟返佢个食法，出乎意料系好好食！好正！
不过由于我地10点先有得食但11点关门，我哋食到超级急，最后直情开大个火放哂啲野食落去，系咁烫到个嘴系咁食。
我知食特价冇得咁多要求，但其实如果个餐厅做唔到特价时段比正常时间人食就唔好搞
加上请加强员工对店舖食品认识，我谂呢个好基本姐。
仲有，应该系网上订座嘅程式加返有咩条款，好多其他铺头都有讲明晒，但入座先知真系有啲呃人嘅感觉。
讲真，食物系几好食扺食，不过我成餐饭食到我好唔开心，大家请自己衡量。
张贴
