影片
更多
2014-05-16
15253 浏览
近期系北角附近返工, 先开始听闻德成号大名, 本身同屋企人都钟意食蛋卷,2月尾行过佢地舖时好奇入去问下可唔可以订? 佢话你3月3黎订啦, 我仲补多个电话打去问下系咪3月3可以打黎订, 佢话可以, 你10点后打黎啦,不过个电话都好难打架喇, 我问咁可以黎舖头订? 佢话可以...到3月3, 我真系谂住打电话试下, 唔得先走去舖头订, 我打左两个几钟系一D都唔通,佢得两条线...感觉仲难打过订演唱会飞,我都系亲身走去搅啦, 去到...见到条龙...哗...唔系挂? 买蛋卷咋㖞...我就试下排啦, 因为lunch time其实都好赶时间...饭都未食...排排到一半已经大半个钟...我谂仲排唔排好呢?但排左一半又唔排埋好唔底,所以keep住排左个几钟终于到我...一路排时,前后既人都系度倾计, 大家都分享自己之前一早黎排或者预订排队既经历, 听话一年好似会预订4次左右,今次订3月3, 下次就应该端午后订中秋拎, 到中秋订时就新年拎咁...我同后面果个讲我未食过架, 佢话...食左返唔到转头, 呢句说话...之前都有听朋友讲,话好食, 食左返唔到转头,食唔到其他牌子...入到舖头都好有秩序, 大
到3月3, 我真系谂住打电话试下, 唔得先走去舖头订, 我打左两个几钟系一D都唔通,佢得两条线...感觉仲难打过订演唱会飞,我都系亲身走去搅啦, 去到...见到条龙...哗...唔系挂? 买蛋卷咋㖞...我就试下排啦, 因为lunch time其实都好赶时间...饭都未食...排排到一半已经大半个钟...我谂仲排唔排好呢?但排左一半又唔排埋好唔底,所以keep住排左个几钟终于到我...
一路排时,前后既人都系度倾计, 大家都分享自己之前一早黎排或者预订排队既经历, 听话一年好似会预订4次左右,今次订3月3, 下次就应该端午后订中秋拎, 到中秋订时就新年拎咁...我同后面果个讲我未食过架, 佢话...食左返唔到转头, 呢句说话...之前都有听朋友讲,话好食, 食左返唔到转头,食唔到其他牌子...
入到舖头都好有秩序, 大约有3张台仔, 坐低慢慢讲订几多, 要唔要送货, 一人最多订20磅...最迟6月定7月会有,我订左系4月22左右有货...到时再通知, 唔使比订金住...都好,唔使等三个月...
一直期待的事...到4月23, 终于送货黎, 我同朋友们合共订左18磅, 早知订够20磅...haha...
返到屋企急不及待开黎食, 我买原味,系松化, 蛋味浓, 系好薄好薄既蛋皮卷起,都系香港人用心做既食品,食完一条会再接一条, 可能等左咁耐期望高d...试过后觉得青山道x记既好食d, 其实都唔使咁夸张要咁样排队法, 可能都系香港style...排队啦!
试过就算了, 66蚊一磅其实唔便架,我唔会再咁排... 如果真系好想食...一系就朝早9点前排定队, 但一人只限4磅, 一系就6月3 (听闻下次系) 开始排队预订啦...
张贴
