影片
更多
2018-08-11
75 浏览
今日我去咗旺角弥敦道嘅誉发广场同一班朋友食一间中越泰嘅餐厅， 本menu有好多菜式， 好多款菜式都好想试， 不过好彩我哋人数都唔少， 可以试比较多嘅菜式!越式拼盘 $188个拼盘四个人都够食，有札肉，炸越南春卷，猪肉虾片，蒸粉包等等。！ 扎肉系一般越南餐厅提供嘅𠮶种质素， 味道正常 。个炸越南春卷上枱嘅时候系热辣辣，咬落去个外皮脆卜， 入面包住萝卜丝粉丝木耳丝肉碎等， 点甜酸酱好好食， 我食到有一阵胡椒嘅香味， 好好食! 猪肉虾片块虾片上枱嘅时候已经唔系太脆，个猪肉腌都好入味，不过有少少过咸，淡番少少会比较好食。 个蒸粉包入边系有好多配料 ，例如有木耳肉碎萝卜丝， 粉皮好滑！椰子乌鸡排骨炖汤 $72我饮咗几啖个椰子乌鸡排骨炖汤，好清甜，椰子味好浓! 饮得出碗汤系冇落过任何味精，喺咁炎热嘅夏天饮碗感清甜嘅汤真系一大享受!花旗参乌鸡排骨炖汤 $72对比起个椰子乌鸡汤 ，我仲加家钟意饮呢个花旗参乌鸡排骨炖汤!因为佢个花旗参味好浓， 饮完之后有少少回甘， 有一阵我好钟意嘅中药味道，饮落去嘅感觉好健康!串烧沙嗲猪牛鸡各两串 $122食泰国菜系唔可以唔叫串烧嘅!我哋叫咗猪牛羊各两串。本人就觉得个鸡
越式拼盘 $188
个拼盘四个人都够食，有札肉，炸越南春卷，猪肉虾片，蒸粉包等等。！ 扎肉系一般越南餐厅提供嘅𠮶种质素， 味道正常 。个炸越南春卷上枱嘅时候系热辣辣，咬落去个外皮脆卜， 入面包住萝卜丝粉丝木耳丝肉碎等， 点甜酸酱好好食， 我食到有一阵胡椒嘅香味， 好好食! 猪肉虾片块虾片上枱嘅时候已经唔系太脆，个猪肉腌都好入味，不过有少少过咸，淡番少少会比较好食。 个蒸粉包入边系有好多配料 ，例如有木耳肉碎萝卜丝， 粉皮好滑！
椰子乌鸡排骨炖汤 $72
我饮咗几啖个椰子乌鸡排骨炖汤，好清甜，椰子味好浓! 饮得出碗汤系冇落过任何味精，喺咁炎热嘅夏天饮碗感清甜嘅汤真系一大享受!
花旗参乌鸡排骨炖汤 $72
对比起个椰子乌鸡汤 ，我仲加家钟意饮呢个花旗参乌鸡排骨炖汤!因为佢个花旗参味好浓， 饮完之后有少少回甘， 有一阵我好钟意嘅中药味道，饮落去嘅感觉好健康!
串烧沙嗲猪牛鸡各两串 $122
食泰国菜系唔可以唔叫串烧嘅!我哋叫咗猪牛羊各两串。本人就觉得个鸡肉最好食，因为佢嘅调味啱啱好，点个沙嗲酱就已经好够味。而且佢嘅鸡肉烧得几好，鸡肉一啲都唔鞋， 猪肉串烧都唔错， 肉质都算滑嫩，但系我就觉得个串烧牛就有少少过咸，点番沙爹酱就对我嚟讲太重口味了~
半只海南鸡 $160
呢只海南鸡上枱嘅时候 个温度系偏冻， 有少少似食冻鸡嘅感觉! 佢哋个白卤水汁腌得只鸡好入味，啲鸡皮可能冷缩热胀嘅关系已经变得非常有弹性，一啲都唔油腻!个鸡肉嘅肉质都几滑，连鸡皮食系最好食~ 而佢只海南鸡因为本身已经好入味，我系唔需要再点任何酱汁就可以食，不错!
香茅泰式明炉乌头 $198
条乌头好大条，佢系已经预先整熟咗。上枱嘅时候同个酸辣酱汁分开上，有个店员将啲酱汁倒落去条乌头到，再一齐加热。 佢个酸辣汁唔算太辣， 但系个孙度就令到成条鱼好开胃， 鱼肉嘅肉质都算滑溜， 吸晒啲酸辣汁好好食 ，个酸辣汁仲有好多菇类，蚀嘅时候口感都好丰富， 整体嚟讲条鱼唔算太辣，好易入口。
榄菜肉松四季豆 $96
西季豆炒得好脆好爽口，连埋肉碎食可以捞埋成碗饭 ，榄菜唔算太多， 所以唔会过咸， 食番碟菜都健康啲!
黑松露野菌炆伊面 $98
因为我哋叫得太多肉，所以我哋都想叫番啲淀粉质。 平时好少见到有黑松露炆伊面，所以我哋决定试下!佢嘅黑松露味都几浓， 每一条伊面都有黑松露既味， 而且个伊面炒得一啲都唔油，好干身，非常好食!
越南蒸馏咖啡两杯 $90
佢嘅底层系有一层炼奶，然后上面就滴啲咖啡出嚟。当啲咖啡滴完之后就捞埋啲炼奶倒落冰度一齐饮。佢嘅咖啡味超浓超香， 如果钟意饮咖啡嘅朋友一定好钟意饮呢一杯越南咖啡。
Yogurt combo $50
加咗青柠既益力多，简单好饮!
张贴
