綠色素食份子 (已結業)

由于有家人系素食者，所以我定期都会同家人去食素，每次都会想试下新餐厅。早排听同事讲话北角有素食buffet，今次就带左家人去素食分子试下。.入到去发觉比一般素食餐厅装修得有艺术感，以白调为基础，🕊加配简洁俐落的餐具、清雅的绿色植物、高高的楼底，一齐令人感到舒适清爽。🌿.一坐低，店员可能见我地系咁望住出面buffet一盆盆既野食，🍽佢主动过尼介绍左晚餐buffet有d咩菜式，仲推介左佢心仪既小食比我地。..味道：🌕🌕🌕🌕🌑环境：🌕🌕🌕🌑🌑服务：🌕🌕🌕🌑🌑卫生：🌕🌕🌕🌑🌑抵食：🌕🌕🌕🌑🌑.🍴素食buffet($128)🍢晚餐buffet呢个价钱都算几合理，因为有齐中西日泰式小食（点心、茄酱通粉、沙律、寿司、串烧等），🍥🍝🥙🍕🍗仲有白饭、中汤、甜点、饮品等（凉茶、柚子蜜等），款式真系几多。.意外发现d炸物放台面到都keep住暖，厨师会定时把凉了的菜式转换其他款。.推介沙嗲串烧、鸡丝粉皮，好迫真，有口感又有肉味！😋😋😋.最中意食蕃薯饼（炸得酥而咬落有软绵绵蕃薯蓉）同猪大肠（用芋头蓉酿入香脆酥之中）。.不过，食得太多炸物同有酱汁的小食好易饱腻，味道整体不俗，下次会再去试散叫小菜。