居酒屋·姫 (已結業)

谂住零负评就嚟试下，6:20pm左右到，成间餐厅仲有好多吉位，但我地被安排坐起厕所隔离嘅座位，我地见隔离有位就调咗位。点知waitress 走埋嚟就话张台比人book咗，我地就话唔想坐厕所隔离，佢粒声唔出就走咗去同另一位同事讲，应该喺要重新安排位置。之后佢返嚟斟茶比我地，我地好客气话，其实我地可以坐其他位，唔坐厕所隔离就得。佢就好黑面咁话我地可以继续坐。点知一阵间另一个waitress行埋嚟话，下次要唔坐厕所隔离就要事前讲定…喂！姐姐，我地第一次嚟，点知呢度嘅座位喺点？佢冇回应就咁黑面走开…于是我同老公一肚气，唔order就起身走人！