潮膳 (已結業)

话说我乡下除咗同大部份香港人一样系日本之外 我仲系一个潮州人咁我系真系返过潮州食潮州菜嘅而香港嘅潮州菜就算你食完觉得几好味但同潮州嘅潮州菜都仲有一段距离今晚食呢间系我几满意之余又几平嘅一间由于平时返工ot少住家饭食我去亲边都要嗌汤食寿司都要饮个面豉汤扮有汤水滋润呢间嘅汤令我好滚动一盅一人份量一碗系凤爪 一碗系淮山猪肚热辣辣又够火候笔起会见到将凤爪/猪肚煲咗好耐煲出唻嘅油光炸九肚鱼香口热辣辣不在话下个炸皮非常薄又够脆 九肚鱼又嫩又新鲜多汁卤水鹅掌虽然你见到佢只碟入面有啲油但只鹅掌系好干爽唔系卤水嘢就谂住冇人知你新唔新鲜就算个酱汁几香 个咬口系扮唔到(得罪讲句 女人街标字头系垃圾)呢度嘅鹅掌食落你会觉得爽 食极都唔溜手打牛丸墨鱼丸食牛丸时我已觉得 好似我喺潮州时食嘅咁呀 好弹牙 入面又有牛肉嘅油份点知个墨鱼丸系更好食食到思乡呢碗绿豆爽就真系好有潮州感觉可能因为潮州小食好多时都用到绿豆粿呀 绿豆糕呀 之类绿豆爽个味其实好清好平实 个口感滑滑地 解释唔到点解咁钟意