味千拉麵 (第一城中心) (已結業)

对味千一向无咩特别感觉，反而叫咗佢个儿童餐又几有好感。啱啱圣诞带住两个小朋友，佢哋食量细特登食圣诞大餐又唔系好抵。行过味千见有儿童餐，仲写住加钱有泥胶换，小朋友立即好有兴趣。入到去叫咗两个儿童餐，本身得两款，就各一啦。不过职员话泥胶换晒无货了，噢，咁就可惜咗点。除咗儿童餐外叫咗一个炒饭，正常质素，不过都几大碟。个儿童餐就同图一样，都几精美，同埋四十五蚊有个嘢饮字有甜品都算唔错，其中一个仲有饭又有面，带住小朋友嚟食系几好选择。