蘇眉 (已結業)

越谂越唔抵....再三考虑后决定要劣评。想食好耐，满心期待，以为呢个价钱，又似乎好评如潮，水准一定有返咁上下，唔会差得去边。坐低点餐，点点下...未点完就走左去招呼另一枱熟客嗌咗一轮终于有另一位服务员落单。平均一个餐$100，沙律/汤要加$20，热coffee latte加$20，冻嘅再贵啲。都唔紧要，来得就预咗食豪啲、食好嘢。来到2碟碟头饭咁嘅样，睇落同对面三和栈根本一样。𠮶几条菜，我直头怀疑系晏昼喺三和栈外卖食剩嘅。你起码都俾蕃茄、车里茄之类做伴菜，都似样啲啊⋯⋯ 外观其次，味道又点呢？牛系ok嘅唔错，羊腩好普通...真系太普通。整体味道唔算差，系好普通啰，完全唔值呢个价钱最后食哂先上2杯疑似系即冲嘅三花热朱古力，而且味道较淡...难怪冇乜客人，9点左右得返我一枱就赶收工，马上收钱赶我哋走了。中伏，好后悔。