漁屋日本料理 (海寶花園) (已結業)

唔简单，要做到我附近连埋我地枱枱都闹，真心唔简单。每order一round都要等半个钟。头两round 野都叫黎哂，第四同第五round上得4分1。第一次食放题可以食唔饱。食物质素中规中矩。可乐叫左35分钟都唔上。写明食6:00-8:00，8:00唔催你走因为都无人等位，但又唔上野食。 之后听到几枱同我地都话，俾埋甜品我地就埋单啦。甜品都要等20分钟。去对面百佳买都快过等佢上。见到外卖单就几袋几袋咁送出去，放题既就无野食个个闹。想问咁做生意整臭自己个名可以做到几耐。其实见到咁多负皮都有少少惊，亲历其境就明点解个个都俾负皮。大埔都有唔少好野食，觉得无谓要贴钱买难受。