榮式燒雞扒 (屯門時代廣場北翼)

营业中

休息中

收工去屯门练习前又系要揾老友食晚餐先，行下时代广场见到呢间荣式烧鸡扒都个知开左好耐但又未试过，2个人又食唔到好多野就入去试试啦。入去坐底都系QR code落单，铺面不大位唔算好多，环境都叫干净企理，门口有个大灯牌睇餐，入去有需要都可以叫侍应攞餐牌睇。鸡藕天成黎到呢度当然要试佢地既招牌鸡扒啦，讲讲佢地d餐改名都几得意，呢份鸡藕天成即系鸡扒加煎莲藕饼，鸡扒系用烧的，同一般茶餐厅摆落炸炉炸既感觉唔同，烧出黎外皮都算香脆，肉质唔会好干，果然唔错，莲藕饼都算出色，望落好似好干咁但内里唔干，食到粒粒莲藕粒，肉既比例会多少少，无点沟过粉，口感味道都唔错，饭既软硬都适中，另外仲有榨菜同葱油捞黎食更香口。荣式鸡扒叻沙米粉老友食叻沙米粉，要加6蚊，我试左啖汤，味道唔算好浓，不过都食到椰香同沙嗲味，都唔错。冻柠茶冻饮加5蚊，柠茶茶味就普通d，叫左少甜无咁甜。如果想系屯市呢度普通食1餐呢间系唔错既选择，侍应既服务态度都唔错，见有枱客唔太识用QR code都好耐心咁教，食物同环境都ok，价钱合理。