影片
更多
2018-08-15
221 浏览
前几日同朋友喺旺电揾电脑零件,揾下揾下都唔记得咗时间,买完野𠮶阵已经好肚饿喇.特别钟意食浓味嘅嘢,见到泰国菜馆梗系第一时间谂起冬阴功啦,开正我𠮶饭.虽然我唔系好知道正宗嘅泰国装修系点样,总之以一个外行人嚟睇,入到去即时觉得好泰国呀本来想影一啲相,但系朋友阻止我,话可能系宗教摆设,最好唔好影.员工睇落系泰国人,都系互相用泰文沟通.话我肤浅都好,起码感觉上好地道先吖.既然一开始谂起冬阴功咁就叫咗个冬阴公汤河.虽然背对著侍应,但系当冬阴公送到嚟之前已经即刻知道,因为就算睇唔到都闻到.因为冬阴功发出好浓烈嘅香气.就咁睇到嘅材料有香茅,南姜,菇,芽菜,最突出嘅一定系𠮶只干辣椒.虽然个样好凶猛,可能已经煲到出晒味,食落都唔会喷火.成个汤味道偏酸而唔算好辣,香茅味爆晒灯.味道同气味一样都系非常浓郁.我朋友叫咗既系干炒红咖哩膏笋丝腩肉饭,好长好翘口嘅名.个样系普通啲,骤眼睇同个饭名一样,系用红咖哩膏干炒一啲笋丝同埋猪腩肉就上碟~咁就当然系啦,不过都有特别既地方.笋丝爽嫩无渣,而且除咗一啲叫唔出名既香料之外,仲落咗好重既金不换.同冬阴功里面嘅香茅一样,香气浓烈到会直攻脑袋.中意金不换气味嘅人毫无疑问咁会
特别钟意食浓味嘅嘢,见到泰国菜馆梗系第一时间谂起冬阴功啦,开正我𠮶饭.
虽然我唔系好知道正宗嘅泰国装修系点样,总之以一个外行人嚟睇,入到去即时觉得好泰国呀
本来想影一啲相,但系朋友阻止我,话可能系宗教摆设,最好唔好影.
员工睇落系泰国人,都系互相用泰文沟通.话我肤浅都好,起码感觉上好地道先吖.
既然一开始谂起冬阴功咁就叫咗个冬阴公汤河.虽然背对著侍应,但系当冬阴公送到嚟之前已经即刻知道,因为就算睇唔到都闻到.因为冬阴功发出好浓烈嘅香气.就咁睇到嘅材料有香茅,南姜,菇,芽菜,最突出嘅一定系𠮶只干辣椒.虽然个样好凶猛,可能已经煲到出晒味,食落都唔会喷火.成个汤味道偏酸而唔算好辣,香茅味爆晒灯.味道同气味一样都系非常浓郁.
我朋友叫咗既系干炒红咖哩膏笋丝腩肉饭,好长好翘口嘅名.个样系普通啲,骤眼睇同个饭名一样,系用红咖哩膏干炒一啲笋丝同埋猪腩肉就上碟~咁就当然系啦,不过都有特别既地方.笋丝爽嫩无渣,而且除咗一啲叫唔出名既香料之外,仲落咗好重既金不换.同冬阴功里面嘅香茅一样,香气浓烈到会直攻脑袋.中意金不换气味嘅人毫无疑问咁会爱死佢.
因为冬阴公既汤底仲有剩,就专登预留咗啲饭捞埋汤嚟一齐当汤饭咁食.
另外仲叫咗串烧,鸡肉同埋牛肉各2串,虽然鸡串烧个样唔系咁靓,但系味道唔错架.鸡肉烧到仅仅熟,系最鲜嫩多汁既时候,因为沙爹比较浓味,点少少酱吊下味就可以喇.牛肉大约8成熟啦,不过又淋又多汁,算意料之外,而且本身调味已经够浓,可以唔使点汁都得.食完晒嘢唔到有糖水送.应该系黑米,紫米,红豆,粟米同埋椰汁吧,微甜而且唔杰既糖水正好可以用嚟冲淡成餐饭留系口腔嘅浓味,系餐厅既体贴
张贴
