賞島咖啡屋

营业中

休息中

星期六同老公去太子赏岛咖啡屋食晚饭。Cafe有自助饮水机，可以自由斟水，而且唔驶加一，服务态度又好。我地total叫左四样野食，四样都好食，cafe都做到有水准既餐点。西班牙冻汤大虾荞麦面呢个我地从来都冇食过，觉得好特别就叫左黎食。平时荞麦面都系日式做法，配西班牙冻汤食真系第一次，结果竟然都几夹，无违和感，味道带番茄同微辣，面条又滑溜，夏天食一流，解暑。蒜油花椒蚬肉意大利面蚬肉好惹味，意大利面带辣，成碟好好食，大赞。孜然烤羊架配自家制薯蓉、咖啡菇、沙律菜，羊架有两件，无膻味，而且肉质软腍，唔错。赏岛招牌芝士蛋糕果然系招牌，芝士味浓，口感好软滑，入口软绵绵，系好食既芝士蛋糕，作为饭后甜品好满足。