麥蛋糕

营业中

休息中

呢两个月帮衬左三次，三次买唔同味⋯⋯呢类台式蛋糕普遍口感绵密湿润，同食日式、西式蛋糕好唔同⋯⋯可能系文化差异啦，我觉得香港D台式蛋糕好食过淡水个D，比较香同味浓⋯⋯离题，讲返麦蛋糕三种口味先：第一次：原味非常非常重蛋味！钟意食蛋嘅人会超钟意！⋯⋯老公带左一半返公司请同事食，已经放咗喺雪柜一晚，同事仍然超好评！我自己就麻麻，唔惯咁重蛋味。第二次：绿茶红豆绿茶蛋糕中间有粒粒红豆，虽然茶味唔太浓，切啱个截红豆比较少，但感觉清新唔会好甜，冻食更好食。第三次：流心芝士蛋糕试左叮热同冻食，个人觉得热食正D，芝士夹心溶溶地咸咸地，同甜嘅蛋糕几夹，难怪最多人排队等。其他口味仲有朱古力，同新出嘅黑糖。至于服务呢⋯⋯赞：早餐时间九点左右已经开门，呢个时段比较少人，唔驶点排⋯⋯同埋可以买半条，价钱实惠。弹：有次见到个男士排到入去话两条，店员话每人限买一条，佢太太其实见迫人系店外等紧，但系都唔通融，一定要太太入埋铺头至算数，稍欠弹性。